"ნიკა გაღიზიანდა, რომ მისი სტუმრები წავიდნენ სახლიდან... ნეკას უთხრა, შენ აიძულეო" - რას იხსენებს დოროყაშვილის ნათესავი

- ვსა­უბ­რობ ერთ კონ­კრე­ტულ ფაქ­ტზე. ნიკა სამ­ჯერ თუ მე­ყო­ლე­ბა ნა­ნა­ხი. მათი ურ­თი­ერ­თო­ბის დე­ტა­ლებ­ში კარ­გად არ ვარ გარ­კვე­უ­ლი. სულ მე­გო­ნა, რომ შეხ­მატ­კბი­ლე­ბუ­ლი და სა­უ­კე­თე­სო წყვი­ლი იყო. ნეკა მის პრობ­ლე­მებ­ზე ჩვენ­თან არ სა­უბ­რობ­და. მწი­რი ინ­ფორ­მა­ცია მაქვს ბოლო პე­რი­ოდ­ში და­ძა­ბუ­ლო­ბის შე­სა­ხე­ბაც. ბავ­შვი ორ წლამ­დე იქ­ნე­ბო­და, 2017 წლის პე­რი­ოდ­ზეა სა­უ­ბა­რი, ნი­კო­ლო­ზი იყო სა­ქარ­თვე­ლო­ში. მათ­თან გა­ვე­დი სტუმ­რად სახ­ლში. ბავ­შვის და­ძი­ნე­ბის დრო რომ მო­ვი­და და ნე­კამ შე­იყ­ვა­ნა ოთახ­ში, ბავ­შვი ჭირ­ვე­უ­ლობ­და და არ იძი­ნებ­და.

ჩვენ მი­სა­ღებ ოთახ­ში ვი­ყა­ვით, მე, ნი­კას ძმა და კი­დევ ახ­ლო­ბე­ლი. ვხმა­უ­რობ­დით. ნე­კამ და­უ­ძა­ხა ნი­კას და შე­იყ­ვა­ნა ოთახ­ში. მერე ნი­კამ გვი­თხრა, რომ ჩუ­მად ვყო­ფი­ლი­ყა­ვით ან გა­დაგ­ვე­ნაც­ვლა სამ­ზა­რე­უ­ლო­ში, ქვე­მოთ ჩავ­სუ­ლი­ყა­ვით. ამის შემ­დეგ სტუმ­რე­ბის ნა­წი­ლი წა­ვი­და. ნიკა შე­ვი­და ოთახ­ში და ამ თე­მა­ზე და­ი­წყო მას­თან სი­ტყვი­ე­რი შე­უ­რა­ცხყო­ფა. ბავ­შვი მი­ჩუ­მე­ბუ­ლი იყო ამ დროს უკვე და ის ისევ ატირ­და. ნეკა ნი­კას უხ­სნი­და, რომ მისი მი­ზა­ნი არ იყო სტუმ­რე­ბის სახ­ლი­დან გაყ­რა. ნიკა ეუბ­ნე­ბო­და ნე­კას, რომ აი­ძუ­ლა, სტუმ­რე­ბი წა­სუ­ლიყ­ვნენ.

მეც სტუ­მა­რი ვი­ყა­ვი, მაგ­რამ პი­რად შე­უ­რა­ცხყო­ფად ეს არ მი­მი­ღია. ნიკა ძა­ლი­ან გა­ღი­ზი­ან­და, რომ მისი სტუმ­რე­ბი წა­ვიდ­ნენ სახ­ლი­დან. არ ჩა­ვე­რე­ო­დი, თუმ­ცა შე­ვე­დი და ბავ­შვი გა­მო­ვიყ­ვა­ნე ოთა­ხი­დან. ოთა­ხის კარი გა­მოვ­ხუ­რე. ძა­ლი­ან უხერ­ხუ­ლად ვიგ­რძე­ნი თავი. ბავ­შვი სხვა ოთახ­ში შე­ვიყ­ვა­ნე და იქ ვა­წყნა­რებ­დი. ის­მო­და ყვი­რი­ლის ხმა. იქი­დან არ გა­მოვ­სულ­ვარ. ამ ყვე­ლაფ­რის მერე რო­გორც მივ­ხვდი, ნიკა წა­ვი­და სახ­ლი­დან. ნეკა მერე შე­მო­ვი­და ჩემს ოთახ­ში, აკან­კა­ლე­ბუ­ლი იყო. მა­ნამ­დე თმა შეკ­რუ­ლი ჰქონ­და, ოთახ­ში კი გაშ­ლი­ლი და მო­უ­წეს­რი­გე­ბე­ლი თმით შე­მო­ვი­და და მი­თხრა, რომ თა­ვი­სი მშობ­ლე­ბის სახ­ლში წავ­სუ­ლი­ყა­ვით.

ვთხო­ვე, რომ მას­თან დავ­რჩე­ბო­დი. და­ვი­თან­ხმე დარ­ჩე­ნა­ზე. მახ­სოვს, ამ­ბობ­და, რომ მობ­რუნ­დეს, რა იქ­ნე­ბაო. მე თავ­ში აზ­რად არ მო­მი­ვი­დო­და ძა­ლა­დო­ბა. იმ დღეს ჩემ­თვის არა­ფე­რი უთ­ქვამს ნე­კას. ერ­თა­დერ­თი, ვკი­თხე, ხში­რად არის თუ არა მსგავ­სი ფაქ­ტი. არ მი­პა­სუ­ხა იმ მო­მენ­ტში. წა­მო­ვე­დი მე­ო­რე დღეს იქი­დან და სა­ღა­მოს რომ და­ვუ­რე­კე, მი­თხრა, ბო­დი­ში მო­ვუ­ხა­დეო. გა­მიკ­ვირ­და და ვუ­თხა­რი კი­დეც. ეს არის ის ერ­თა­დერ­თი დღე, რა­საც მე შე­ვეს­წა­რი", – გა­ნა­ცხა­და მოწ­მემ.

მას მხა­რე­ებ­მა კი­თხვე­ბი და­უს­ვეს და და­ინ­ტე­რეს­დნენ, ხომ არ მომ­ხდა­რა ფი­ზი­კუ­რი ძა­ლა­დო­ბა. მოწ­მემ გან­მარ­ტა, რომ ფი­ზი­კუ­რი ძა­ლა­დო­ბის ხმა არ გა­უ­გია და ამას ვერც და­ა­დას­ტუ­რებს და ვერც უარ­ყოფს, რომ იმ დღეს ბა­სი­ლაშ­ვილ­მა მე­უღ­ლეს ფი­ზი­კუ­რი შე­უ­რა­ცხყო­ფა მი­ა­ყე­ნა.

პრო­ცეს­ზე სხვა მოწ­მე­ე­ბის და­კი­თხვა არ მო­ხერ­ხდა, რად­გან ხარ­ვე­ზი იყო დის­ტან­ცი­უ­რი სხდო­მის მიმ­დი­ნა­რე­ო­ბი­სას.

ნი­კო­ლოზ ბა­სი­ლაშ­ვი­ლის ად­ვო­კა­ტის, ირმა ჭკა­დუ­ას თქმით, დო­რო­ყაშ­ვი­ლის ბი­ძაშ­ვილ­მა და­ა­დას­ტუ­რა, რომ ნი­კო­ლოზ ბა­სი­ლაშ­ვი­ლის მხრი­დან ნელი დო­რო­ყაშ­ვილ­ზე არას­დროს გან­ხორ­ცი­ე­ლე­ბუ­ლა ძა­ლა­დო­ბა.

"მოწ­მემ ცალ­სა­ხად და ერ­თმნიშ­ვნე­ლოვ­ნად გან­მარ­ტა, რომ ის არას­დროს გამ­ხდა­რა ნი­კო­ლოზ ბა­სი­ლაშ­ვი­ლის მხრი­დან ნელი დო­რო­ყაშ­ვილ­ზე ძა­ლა­დო­ბის გან­ხორ­ცი­ე­ლე­ბის შემ­სწრე და აღ­ნიშ­ნუ­ლი სა­ხის ინ­ფორ­მა­ცია არ სმე­ნია არც ნელი დო­რო­ყაშ­ვი­ლის­გან და არც მისი ოჯა­ხის რო­მე­ლი­მე წევ­რი­სა­გან. ისა­უბ­რა ზო­გა­დად იმ ფაქ­ტობ­რივ გა­რე­მო­ე­ბებ­თან და­კავ­ში­რე­ბით, რო­მე­ლიც სცდე­ბა წარ­დგე­ნილ ბრალ­დე­ბას და ბრა­ლად არ აქვს წა­ყე­ნე­ბუ­ლი ნი­კო­ლოზ ბა­სი­ლაშ­ვილს. ბრალ­დე­ბის მხა­რის სურ­ვი­ლი იყო, რომ აღ­ნიშ­ნუ­ლი მოწ­მე და­კი­თხუ­ლი­ყო, მი­უ­ხე­და­ვად იმი­სა, რომ საქ­მის ფაქ­ტობ­რივ გა­რე­მო­ე­ბებ­ზე ის ვერ სა­უბ­რობს და ცალ­სა­ხად გან­მარ­ტავს, რომ ნი­კო­ლოზ ბა­სი­ლაშ­ვი­ლის მხრი­დან არას­დროს გან­ხორ­ცი­ე­ლე­ბუ­ლა ნელი დო­რო­ყაშ­ვილ­ზე ძა­ლა­დო­ბა", - ამ­ბობს ად­ვო­კა­ტი.

რო­გორც ირ­კვე­ვა, სა­სა­მარ­თლო პრო­ცეს­ზე ბა­სი­ლაშ­ვი­ლის შვი­ლის და­კი­თხვა იგეგ­მე­ბა და მისი და­კი­თხვის დროს სხდო­მა და­ი­ხუ­რე­ბა. ბავ­შვი გა­მო­ძი­ე­ბას ერთხელ ჰყავს და­კი­თხუ­ლი. ამ დრომ­დე ად­ვო­კა­ტე­ბი პრო­კუ­რა­ტუ­რას ბავ­შვის ხელ­მე­ო­რედ და­კი­თხვის უფ­ლე­ბას არ აძ­ლევ­დნენ. რა ჩვე­ნე­ბას მის­ცემს ის სა­სა­მარ­თლოს, მოგ­ვი­ანე­ბ­ით გახ­დე­ბა ცნო­ბი­ლი.

თა­მარ გა­ბო­ძე, ნეკა დო­რო­ყაშ­ვი­ლის ად­ვო­კა­ტი:

- სა­სა­მარ­თლო პრო­ცეს­ზე და­წყე­ბუ­ლია მტკი­ცე­ბუ­ლე­ბე­ბის გა­მოკ­ვლე­ვა მოწ­მე­ე­ბის და­კი­თხვით. სა­სა­მარ­თლო პრო­ცეს­ზე და­ი­კი­თხა და­ზა­რა­ლე­ბუ­ლის ბი­ძაშ­ვი­ლი, რო­მელ­მაც დე­ტა­ლუ­რად ისა­უბ­რა იმა­ზე, თუ რო­გორ გახ­და ნელი დო­რო­ყაშ­ვი­ლის მი­მართ ბრალ­დე­ბუ­ლის მხრი­დან გან­ხორ­ცი­ე­ლე­ბუ­ლი ფსი­ქო­ლო­გი­უ­რი ძა­ლა­დო­ბის თვითმხილ­ვე­ლი. აღ­ნიშ­ნულ ეპი­ზოდ­ზე ბრალ­დე­ბის მხა­რე ბრალ­დე­ბულს არ ედა­ვე­ბა ფი­ზი­კურ ძა­ლა­დო­ბა­ში. აქ სა­უ­ბა­რია ფსი­ქო­ლო­გი­ურ ძა­ლა­დო­ბა­ზე, რა­ზეც საკ­მა­ოდ დე­ტა­ლუ­რად ისა­უბ­რა მოწ­მემ გუ­შინ­დელ სა­სა­მარ­თლო პრო­ცეს­ზე.

არ­სე­ბობს ძა­ლა­დო­ბის რამ­დე­ნი­მე ფორ­მა, რო­მ­ლებიც დას­ჯა­დია სის­ხლის სა­მარ­თლის კა­ნო­ნის შე­სა­ბა­მი­სად. ბრალ­დე­ბულს ბრა­ლი წარ­დგე­ნი­ლი აქვს ოჯახ­ში გან­ხორ­ცი­ე­ლე­ბულ რო­გორც ფი­ზი­კუ­რი და ასე­ვე ფსი­ქო­ლო­გი­უ­რი ძა­ლა­დო­ბის 5 ეპი­ზოდ­ში. დიახ, მოწ­მემ ნამ­დვი­ლად თქვა, რომ არ შეს­წრე­ბია ფი­ზი­კურ ძა­ლა­დო­ბას, თუმ­ცა დე­ტა­ლუ­რად ისა­უბ­რა იმაზე, თუ რო­გორ აყე­ნებ­და სი­ტყვი­ერ შე­უ­რა­ცხყო­ფას ნი­კო­ლოზ ბა­სი­ლაშ­ვი­ლი მის ყო­ფილ მე­უღ­ლეს. მოწ­მე იყო სხვა ოთახ­ში, თუმ­ცა ეს­მო­და ნი­კო­ლო­ზის ყვი­რი­ლის და ნე­ლის ტი­რი­ლის ხმა. შემ­დეგ ნახა, რო­გორ გა­მო­ვი­და ტი­რი­ლით გა­ნერ­ვი­უ­ლე­ბუ­ლი და აკან­კა­ლე­ბუ­ლი ნელი ოთა­ხი­დან, რის შემ­დე­გაც მოწ­მე ცდი­ლობ­და მის დამ­შვი­დე­ბას.

მოწ­მემ ასე­ვე გან­მარ­ტა, რომ რო­დე­საც ნი­კო­ლოზ ბა­სი­ლაშ­ვი­ლი ნელი დო­რო­ყაშ­ვილს აყე­ნებ­და სი­ტყვი­ერ შე­უ­რა­ცხყო­ფას, იგი იყო სხვა ოთახ­ში და ფი­ზი­კუ­რ ძა­ლა­დო­ბას რომ ჰქო­ნო­და ად­გი­ლი, იგი ამას ვერ და­ი­ნა­ხავ­და. შე­სა­ბა­მი­სად, გუ­შინ­დელ სა­სა­მარ­თლო პრო­ცეს­ზე მოწ­მემ ფი­ზი­კუ­რი ძა­ლა­დო­ბა არც და­ა­დას­ტუ­რა და არც გა­მო­რი­ცხა. თუმ­ცა, რო­გორც გი­თხა­რით, მოწ­მემ და­ა­დას­ტუ­რა, რომ ნი­კო­ლოზ ბა­სი­ლაშ­ვი­ლი თავის ყო­ფილ მე­უღ­ლეს უყ­ვი­რო­და და აყე­ნებ­და სი­ტყვი­ერ შე­უ­რა­ცხყო­ფას.

- ით­ქვა, რომ და­ი­კი­თხე­ბა პრო­ცეს­ზე მათი არას­რულ­წლო­ვა­ნი შვი­ლი. თქვენ თა­ნახ­მა ხართ? ნე­კას ად­ვო­კა­ტე­ბი არ მი­იჩ­ნევ­დით სა­ჭი­როდ ბავ­შვის ხში­რად და­კი­თხვას. რო­გორც ვი­ცით, ის მხო­ლოდ ერთხე­ლაა და­კი­თხუ­ლი...

- რაც შე­ხე­ბა ბავ­შვის და­კი­თხვას, სა­ერ­თა­შო­რი­სო სტან­დარ­ტე­ბის სრუ­ლი დაც­ვით უნდა მოხ­დეს ეს. შე­საძ­ლოა ბავ­შვმა მის­ცეს სა­სა­მარ­თლოს ჩვე­ნე­ბა, თუმ­ცა ეს იქ­ნე­ბა და­ხუ­რულ სა­სა­მარ­თლო სხდო­მა­ზე, ბავ­შვის სა­უ­კე­თე­სო ინ­ტე­რე­სე­ბის სტან­დარ­ტე­ბის სრუ­ლი დაც­ვით. რო­დის და­ი­კი­თხე­ბა, ამას ბრალ­დე­ბის მხა­რე გან­სა­ზღვრავს ბავ­შვის კა­ნო­ნი­ერ წარ­მო­მად­გე­ნელ­თან და ჩვენ­თან შე­თან­ხმე­ბით.

- ნელი დო­რო­ყაშ­ვი­ლი არ ეს­წრე­ბა პრო­ცე­სებს. მისი და­კი­თხვა რო­დის მოხ­დე­ბა?

- ნელი დო­რო­ყაშ­ვი­ლი არ იღებს სა­სა­მარ­თლო პრო­ცე­სებ­ში მო­ნა­წი­ლე­ო­ბას, ვიდ­რე არ მოხ­დე­ბა მისი და­კი­თხვა. სის­ხლის სა­მარ­თლოს საპ­რო­ცე­სო ნორ­მე­ბის შე­სა­ბა­მი­სად, მოწ­მის და­კი­თხვამ­დე უფ­ლე­ბა არ აქვს, სა­სა­მარ­თლო პრო­ცე­სებ­ში მი­ი­ღოს მო­ნა­წი­ლე­ო­ბა. სა­სა­მარ­თლო პრო­ცეს­ზე და­ზა­რა­ლე­ბუ­ლი სარ­გებ­ლობს მოწ­მის უფ­ლე­ბა-მო­ვა­ლე­ო­ბე­ბით. შე­სა­ბა­მი­სად, აღ­ნიშ­ნუ­ლი წესი ვრცელ­დე­ბა და­ზა­რა­ლე­ბულ­ზეც. მტკი­ცე­ბუ­ლე­ბა­თა გა­მოკ­ვლე­ვის თან­მიმ­დევ­რო­ბას გან­სა­ზღვრავს მხა­რე, რომ­ლის მტკი­ცე­ბუ­ლე­ბის გა­მოკ­ვლე­ვაც უნდა მოხ­დეს. ამ ეტაპ­ზე არ არის ცნო­ბი­ლი, რო­დის მოხ­დე­ბა და­ზა­რა­ლე­ბუ­ლის და­კი­თხვა სა­სა­მარ­თლო­ში.

- მო­სა­მარ­თლემ მხა­რე­ებს მო­გი­წო­დათ, პა­რა­ლე­ლუ­რი მარ­თლმსა­ჯუ­ლე­ბა არ იყო მი­ზან­შე­წო­ნი­ლი. ამა­ზე რას იტყვით?

- ჩვე­ნი ბრძო­ლა არის სა­მარ­თლებ­რი­ვი და ბუ­ნებ­რი­ვია, აღ­ნიშ­ნუ­ლი უნდა გან­ხორ­ცი­ელ­დეს სა­სა­მარ­თლო დარ­ბაზ­ში მხა­რე­თა შე­ჯიბ­რე­ბი­თო­ბის და თა­ნას­წო­რო­ბის სა­ფუძ­ველ­ზე. თუმ­ცა ჩვენ წი­ნა­აღ­მდეგ წა­მო­სუ­ლი ცრუ ბრალ­დე­ბე­ბის გამო ჩვენ, ცხა­დია, გა­ვა­კე­თეთ სა­პა­სუ­ხო კო­მენ­ტა­რე­ბი. ნამ­დვი­ლად მო­უ­წო­და მო­სა­მარ­თლემ ორი­ვე მხა­რეს, ბრძო­ლა გაგ­ვეგ­რძე­ლე­ბი­ნა სა­მარ­თლებ­რივ რე­ჟიმ­ში და ეს ლო­გი­კუ­რიც არის. ერ­თა­დერ­თი უწყე­ბა, რო­მელ­იც უფ­ლე­ბა­მო­სი­ლია გა­ნა­ხორ­ცი­ე­ლოს მარ­თლმსა­ჯუ­ლე­ბა, არის სა­სა­მარ­თლო. თუმ­ცა სა­სა­მარ­თლომ ასე­ვე გა­ა­კე­თა კო­მენ­ტა­რი, რომ სა­ზო­გა­დო­ე­ბის მა­ღა­ლი ინ­ტე­რე­სე­ბი­დან გა­მომ­დი­ნა­რე, სა­ზო­გა­დო­ე­ბას უნდა ჰქონ­დეს ინ­ფორ­მა­ცია ამ საქ­მეს­თან და­კავ­ში­რე­ბით. მარ­თლმსა­ჯუ­ლე­ბის პრო­ცეს­ში მო­ნა­წი­ლე ორი­ვე მხა­რე იბ­რძვის სა­კუ­თა­რი ინ­ტე­რე­სე­ბის­თვის. ჩვენ არ გვაქვს მო­ლო­დი­ნი, რომ დაც­ვის მხა­რეს ექ­ნე­ბა და­სა­ცა­ვი პი­რის ინ­ტე­რე­სე­ბის სა­წი­ნა­აღ­მდე­გო პო­ზი­ცია. თი­თო­ე­უ­ლი ად­ვო­კა­ტი ვალ­დე­ბუ­ლია იმოქ­მე­დოს კლი­ენ­ტის ინ­ტე­რე­სე­ბის შე­სა­ბა­მი­სად, მათ შო­რის, სა­ჯა­რო ინ­ტე­რე­სებ­ზე მაღ­ლა და­ა­ყე­ნოს კლი­ენ­ტის ინ­ტე­რე­სი.

ეს არის პირ­და­პი­რი ვალ­დე­ბუ­ლე­ბა, რო­დე­საც ად­ვო­კა­ტი ახორ­ცი­ე­ლებს სა­ად­ვო­კა­ტო საქ­მი­ა­ნო­ბას, თუმ­ცა არის ფარ­გლე­ბი, რა­საც არ უნდა გასც­დეს ად­ვო­კა­ტი და სა­ად­ვო­კა­ტო საქ­მი­ა­ნო­ბა გა­ნა­ხორ­ცი­ე­ლოს ად­ვო­კატ­თა შე­სა­ხებ პრო­ფე­სი­უ­ლი ეთი­კის სრუ­ლი დაც­ვით. ჩვენ ვა­ხორ­ცი­ე­ლებთ და­ზა­რა­ლე­ბუ­ლის ინ­ტე­რე­სე­ბის დაც­ვას და გვაქვს მო­ლო­დი­ნი, რომ სა­სა­მარ­თლო მტკი­ცე­ბუ­ლე­ბა­თა შე­ფა­სე­ბის სა­ფუძ­ველ­ზე, მი­ი­ღებს გა­მამ­ტყუ­ნე­ბელ გა­ნა­ჩენს. აღ­ნიშ­ნულმა საქ­მემ გან­ხილ­ვის სხვა­დას­ხვა ეტაპ­ზე გა­და­ლა­ხა და­სა­ბუ­თე­ბული ვა­რა­უ­დის და ალ­ბა­თო­ბის მა­ღა­ლი ხა­რის­ხის სტან­დარ­ტი. რომ არ ყო­ფი­ლი­ყო ფაქ­ტე­ბის და ინ­ფორ­მა­ცი­ის ერ­თობ­ლი­ო­ბა, არც ბრა­ლის წარ­დგე­ნა და გი­რა­ოს შე­ფარ­დე­ბა მოხ­დე­ბო­და ბრალ­დე­ბუ­ლის­თვის და არც წინა სა­სა­მარ­თლო სხდო­მის მო­სა­მარ­თლე გა­დას­ცემ­და საქ­მეს არ­სე­ბი­თად გან­სა­ხილ­ვე­ლად სა­სა­მარ­თლოს. საქ­მის არ­სე­ბი­თი გან­ხილ­ვის ეტაპ­ზე გა­მამ­ტყუ­ნე­ბე­ლი გა­ნა­ჩე­ნის გა­მო­სა­ტა­ნად სა­ჭი­როა მი­ნი­მუმ ორი პირ­და­პი­რი მტკი­ცე­ბუ­ლე­ბა და რო­გორც მო­გახ­სე­ნეთ, საქ­მე­ში არ­სე­ბობს საკ­მა­რის­ზე მეტი მტკი­ცე­ბუ­ლე­ბა, რო­მ­ლებიც ადას­ტუ­რებს, რომ ნელი დო­რო­ყაშ­ვი­ლი ყო­ფი­ლი მე­უღ­ლის მხრი­დან წლე­ბის გან­მავ­ლო­ბა­ში გა­ნიც­დი­და ფი­ზი­კურ და ფსი­ქო­ლო­გი­ურ ძა­ლა­დო­ბას.

ცნო­ბი­ლია, თა­ვად ბრალ­დე­ბუ­ლი წარ­დგე­ნილ ბრალ­დე­ბა­ში თავს დამ­ნა­შა­ვედ არ ცნობს. ვნა­ხოთ, რო­გორ გან­ვი­თარ­დე­ბა მოვ­ლე­ნე­ბი და რა ვერ­დიქტს გა­მო­ი­ტანს სა­სა­მარ­თლო.

ბასილაშვილის ადვოკატი: დოროყაშვილის ბიძაშვილმა განაცხადა, რომ ბასილაშვილის მხრიდან არასდროს განხორციელებულა ძალადობა მეუღლეზე