ზვერევმა რუბლევი გაანადგურა - ცინცინატის ტურნირი გერმანელმა მოიგო [VIDEO]

AutoSharing Option
AUTO PLAY
ამერიკაში, ცინცინატის 1000-ქულიანი ტურნირის ფინალურ შეხვედრაში, ერთამანეთს ალექსანდრ ზვერევი (5) და ანდრე რუბლევი (7) დაუპირისპირდნენ. მატჩი გერმანელის გამარჯვებით, 6:2 6:3 დასრულდა.

თავისუფლად შეიძლება ითქვას, რომ რუბლევი საკუთარ თავს არ ჰგავდა, ზვერევს კი პირიქით, ყველაფერი გამოსდიოდა. საბოლოოდ, გულშემატკივარმა ფინალში "ცალმხრივი" თამაში იხილა, რომელიც სულ რაღაც 1 საათს გაგრძელდა.

ალექსანდრმა გამარჯვებით ხელი ერთ უნიკალურ მიღწევასაც მოაწერა - ის ანდრე აგასის შემდეგ პირველი ჩოგბურთელი გახლავთ, რომელმაც ოლიმპიადა და ცინცინატის ტურნირი ერთსა და იმავე წელს მოიგო. შეგახსენებთ, ლეგენდარულმა ამერიკელმა ჩოგბურთელმა მსგავსი შედეგი 1996 წელს
დააფიქსირა.

აღსანიშნავია ის ფაქტიც, რომ კარიერაში მე-5 მასტერსის მოგების შემდეგ ზვერევმა 8240 ქულით ATP კლასიფიკაციაში რაფაელ ნადალს გადაასწრო და მე-4 ადგილზე გადაინაცვლა, "ელ-მატადორი" კი 7815 ქულით მე-5 ადგილს დასჯერდება.

ამრიგად, ცინცინატის ტურნირის მოგებით ალექსანდრ ზვერევმა პრიზის სახით 654 816$ მიიღო, რუბლევმა კი 354 720$ გამოიმუშავა.



მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული