ინდიან უელსის 1000 ქულიანი ტურნირის ნახევარფინალში ერთმანეთს ნიკოლოზ ბასილაშვილი (36) და ტეილორ ფრიცი (39) დაუპირისპირდებიან. აღსანიშნავია, რომ 3 დღის წინ ეს ჩოგბურთელები ერთად ვარჯიშობდნენ, ხვალ კი ფინალური საგზურისთვის ერთმანეთს დაუპირისპირდებიან. მატჩის წინ ტეილორმა "ბასილაზე" ისაუბრა:
"ის ძალიან ძლიერია, განსაკუთრებით მაშინ, როდესაც თავდაჯერებულად თამაშობს, ნიკა ორივე მხრიდან ბურთს ძლიერად ურტყამს. მე ჩემი თამაში უნდა ვითამაშო, არ ვინერვიულო და არ დავიძაბო. უნდა დავრჩე აგრესიული, რადგან მან ჩემი შემოტრიალება ვერ შეძლოს.
ლოგიკურია, თუ რატომაც თამაშობს ის საუკეთესოდ, რადგან აქ ნელი საფარია. ნიკას დრო აქვს, რომ მოამზადოს დარტყმა და მოწინააღმდეგე გაანადგუროს. მე ჩემი თამაში უნდა ვითამაშო, კარგად ჩავაწოდო, ვიყო აგრესიული, მნიშვნელოვან მომენტებში კი ისე უნდა მოვიქცე, როგორც დღეს (ზვერევთან თამაშში იგულისხმება)" - განაცხადა ფრიცმა.
ეს ჩოგბურთელები ერთმანეთს 3-ჯერ დაუპირისპირდნენ, საიდანაც 2 გამარჯვება ამერიკელმა სპორტსმენმა მოიპოვა...
2021 წელს დოჰას 250 ქულიან ტურნირის ნახევარფინალში ჩვენებურმა 7:6 6:1 იმარჯვა, ხოლო ტეილორმა მარცხიდან სულ რაღაც 4 დღეში დუბაის 500 ქულიანი ტურნირის 1/16 ფინალში "ბასილა" 4:6 6:3 7:6 დაამარცხა.
მატჩი 16 ოქტომბერს, თბილისის დროით 01:50 საათზეა ჩანიშნული.
მომზადებულია bnpparibasopen-ის მიხედვით
![alt](/pictures/image50/0acdfafc0754d1057e24a632b1b9cbc9.jpg ""ბასილა" 3 დღის წინ მასთან ვარჯიშობდა - ახლა ფინალისთვის იბრძოლებენ [VIDEO]")
ბასილაშვილმა ციციპასს ისტორიული მატჩი მოუგო! [VIDEO]
![ბასილაშვილი ბერეტინისთან სამ სეტში დამარცხდა [VIDEO]](/pictures/image7/86c9adfe724006ebbcee14200c44bb83.jpg "ბასილაშვილი ბერეტინისთან სამ სეტში დამარცხდა [VIDEO]")
![[PREVIEW] "ბასილა" ვენაში იტალიელი "ბომბდამშენის" განეიტრალებას შეეცდება](/pictures/image7/9e00d634b6a40b4da6a3b64216e38937.jpg "[PREVIEW] \"ბასილა\" ვენაში იტალიელი \"ბომბდამშენის\" განეიტრალებას შეეცდება")
