მსოფლიოს 45-ე ჩოგანი წყვილთა თანრიგში ნათელა ძალამიძე საქართველოს მოქალაქეობის მიღებას გამოეხმაურა. მისი თქმით, ქართული პასპორტი 6 წლის წინ მიიღო, მაგრამ სპორტული მოქალაქეობა მხოლოდ ივნისში შეიცვალა, რაც "უიმბლდონის" ტურნირზე ასპარეზობის უფლებას მისცემს."როდესაც მოქალაქეობის შეცვლა გადავწყვიტე, ველოდი, რომ დიდი გამოხმაურება მოჰყვებოდა. პროცესი "როლან გაროსის" ტურნირამდე დავიწყე, რათა "უიმბლდონამდე" მოსამზადებელი ტურნირები საქართველოს სახელით მეთამაშა".
მოსკოვში მცხოვრებმა სპორტსმენმა კომენტარი გააკეთა რუსი მოთამაშეების საერთაშორისო შეჯიბრებებზე არდაშვებაზე.
"ჩემთვის ძალიან მტკივნეულია იმის დანახვა, თუ რა ხდება უკრაინაში. ამის აღსაწერად სიტყვები არ მყოფნის. თავიდან ბევრი აგრესიული მესიჯი
თავიდან მრცხვენოდა, რომ ასეთი პასპორტი მქონდა, მაგრამ შემდეგ საკუთარ თავს ვკითხე: კარგი ადამიანი ვარ, საიდან მაქვს ასეთი გრძნობები? ჩემი მიზნების მისაღწევად ბევრი ვიმუშავე. ახლა კი, სხვისი გადაწყვეტილების გამო ჩემი ცხოვრება და კარიერა უნდა დავივიწყო?"
ძალამიძის თქმით, მას შემდეგ, რაც მოქალაქეობა შეიცვალა, საქართველოდან შეურაცხყოფის მესიჯებს იღებს.
"ბევრი ფიქრობს, რომ ამას გამოვიყენებ მხოლოდ "უიმბლდონზე" სათამაშოდ და შემდეგ ისევ რუსეთში გავაგრძელებ ასპარეზობას, მაგრამ ეს ასე არ არის. მე მხოლოდ ნახევრად რუსი ვარ, ვატარებ ქართულ სახელს". - განაცხადა ძალამიძემ Deusche Welle-თან ინტერვიუში.
![alt](/pictures/image50/72ee70d46b91bf64d162e367058ebc1e.jpg ""მრცხვენოდა, რომ რუსული პასპორტი მქონდა" - ძალამიძე ომსა და შეურაცხყოფაზე საუბრობს")
წარმოშობით ქართველმა ჩოგბურთელმა ნათელა ძალამიძემ მოქალაქეობა შეიცვალა და რუსეთის ნაცვლად საქართველოს სახელით იასპარეზებს
