25 ივლისს ხორვატიის ქალაქ უმაგში 250-ქულიანი კატეგორიის ტურნირი დაიწყება, სადაც ნიკოლოზ ბასილაშვილს უნდა ეასპარეზა. სამწუხაროდ, საქართველოს პირველი ჩოგანი აღნიშნული გათამაშებიდან მოეხსნა და დიდი ალბათობით, ამის მიზეზი ტრავმაა.
ჩვენებური დისკომფორტით, რომ თამაშობდა და თავის საუკეთესო თვისებებს ვერ ავლენდა ჯერ კიდევ 12 ივლისს ბასშტადში ჩანდა, სადაც უგო გასტონთან მატჩი მე-2 სეტში შეწყვიტა.
ნიკა ჰამბურგში მაინც ჩავიდა და 19 ივლისს რუს ასლან კარატსევთან პირველი სეტი ბრძოლაში 4:6 დათმო, თუმცა მეორე პარტიაში 0:6 წააგო. სამართლიანობა მოითხოვს აღინიშნოს და აშკარად თვალშისაცემი იყო, რომ ბასილაშვილი ამ
როგორც ჩანს, საქართველოს პირველმა ჩოგანმა გარკვეული პაუზის აღება გადაწყვიტა, რათა ტრავმა არ გაუმიზეზდეს.
ჯერჯერობით უცნობია, თუ რამდენი ხანი გაუცდება ბასილაშვილს. ის სავარაუდოდ, კორტს აგვისტოში დაუბრუნდება, როდესაც ამერიკული და კანადური მასტერსები დაიწყება.
