ევრობაკეტის ფინალამდე მე-3 ადგილისთვის შეხვედრა გაიმართა.
გერმანიის ნაკრები პოლონეთს დაუპირისპირდა და კომფორტული სხვაობით 82:69 დაამარცხა.
მასპინძელთა შემადგენლობიდან კვლავაც საუკეთესო იყო დენის შროდერი, აწ უკვე "ლეიკერსის" კალათბურთელმა თავი 26 ქულით (7/10), 1 მოხსნით, 6 შედეგიანი გადაცემითა და 2 ჩაჭრით გამოიჩინა.
დენისს მხარი იოჰანეს ვოიტმანმა აუბა, რომელმაც გუნდს 14 ქულა, 9 მოხსნა, 6 შედეგიანი გადაცემა, 2 ჩაჭრა და 2-იც დაფარება შესძინა.
პოლონელების მხრიდან მიკალ სოკოლოვსკიმ 18 ქულა, 6 მოხსნა, 3 შედეგიანი გადაცემა და 2 ჩაჭრა დააგროვა.
გერმანელებმა ბრინჯაოს მედლამდე შემდეგი გზა გაიარეს:
ჯგუფური ეტაპი - მოგება საფრანგეთთან (76:63), ბოსნიათან (92:82), ლიეტუვასთან (109:107), უნგრეთთან (106:71), წააგეს სლოვენიასთან (80:88).
პლეი-ოფში დაამარცხეს მონტენეგრო (85:79) და საბერძნეთი (107:96), ნახევარფინალში ესპანეთთან (91:96).
რაც შეეხებათ პოლონელებს, თავისუფლად შეგვიძლია ისინი ტურნირის სენსაციად მოვნათლოთ.
ჯგუფური ეტაპი - მოგება ჩეხეთთან (99:84), ისრაელთან (85:76) და ნიდერლანდებთან (75:69), მარცხი ფინეთთან (59:89) და სერბეთთან (96:69).
პლეი-ოფში დაამარცხეს უკრაინა (94:86) და სლოვენია (90:87), ნახევარფინალში ფრანგებთან (54:95) განადგურდნენ.
შეგახსენებთ, ფინალური შეხვედრა თბილისის დროით 22:30 საათზე ესპანეთსა და საფრანგეთს შორის გაიმართება.
"ლეიკერსმა" შროდერი დაიბრუნა, თვალი კი "იუტაში" დარჩენილ 3 ლიდერს დაადგა 
![ნაცნობი სურათი - მოგებული პირველი ტაიმის შემდეგ საქართველოს ნაკრები დამარცხდა [VIDEO]](/pictures/image7/8aaab0001112dbc14556f45684db358b.jpg "ნაცნობი სურათი - მოგებული პირველი ტაიმის შემდეგ საქართველოს ნაკრები დამარცხდა [VIDEO]")
