საქართველოს პირველ ჩოგან ნიკოლოზ ბასილაშვილს ავსტრალიის ღია პირველობის წილისყრაში აშკარად არ გაუმართლა. ჩვენებურის მეტოქე პირველ წრეში აშშ-ის წარმომადგენელი, 25 წლის ტეილორ ფრიცი იქნება, რომელიც ამჟამად მსოფლიოს რეიტინგში მე-9 პოზიციას იკავებს.
აღსანიშნავია, რომ ჩოგბურთელები ერთმანეთს 4-ჯერ დაუპირისპირდნენ და ურთიერთშეხვედრებში ანგარიში თანაბარია.
დაპირისპირება 16 ან 17 იანვარს გაიმართება. თუ ნიკოლოზმა გამარჯვება მოახერხა, შემდეგ წრეში მისი მეტოქე ან ავსტრალიელი ალექსანდრ პოპირინი, ანდაც ტაივანელი ჩუნ ჰსინ ჩენგი იქნება.
