ცურვაში ორგზის მსოფლიო ჩემპიონმა ფილიპო მაგნინიმ იტალიის ანტიდოპინგური სამსახურისგან ოთხწლიანი დისკვალიფიკაცია მიიღო. ბრალმდებელი მოცურავისთვის, რომელიც ერთხელ დელფინებსაც გაეჯიბრა, რვაწლიან აკრძალვას ითხოვდა, თუმცა საბოლოოდ სასჯელი განახევრდა, თვითონ მაგნინი კი აკრძალული პრეპარატის გამოყენებას არ ადასტურებს და გასაჩივრებას აპირებს.
"არანაირი ნივთმტკიცება არ არსებობს. აუცილებლად გავასაჩივრებთ და ამ დავას მოვიგებთ" - განაცხადა ვეტერანმა სპორტსმენმა.
ფილიპო მაგნინიმ კარიერა გასულ წელს დაასრულა. მან 2005 და 2007 წლებში 100-მეტრიან თავისუფალ ცურვაში ოქროს მედლები მოიპოვა.
