ქობულეთში დღეს მსოფლიოს საუკეთესო ძალოსნებს დააჯილდოებენ. ღონისძიებას, რომელსაც სასტუმრო "ჯორჯია პალასი" მასპინძლობს, საქართველოს მთავრობის წევრები, სპორტის მესვეურები, საერთაშორისო და ევროპის ძალოსნობის ფედერაციების ხელმძღვანელები და ქართველი ძალოსნები დაესწრებიან. გალა-დაჯილდოების სამზადისი უკვე მიმდინარეობს. აჭარაში იმყოფებიან საერთაშორისო ფედერაციის წარმომადგენლები.
საზეიმო ღონისძიება, რომლის დამდგმელი რეჟისორიც ზაალ ჩიქობავაა, 18:30 საათიდან პირველი არხის პირდაპირი ეთერით გადაიცემა.
შეგახსენებთ, რომ მსოფლიოს საუკეთესო ძალოსნების დაჯილდოების ცერემონიის გამართვის უფლება საქართველომ მეორედ მოიპოვა. ასევე მეორედ მოიპოვა პლანეტის უძლიერესის სტატუსი ქართველმა ძალოსანმა ლაშა ტალახაძემ.
მომზადებულია facebook.com/GEOWF/-ის მიხედვით
![ლაშა ტალახაძემ ბათუმში ევროპის ჩემპიონატზე რეკორდი მოხსნა და ტურნირი ტრიუმფით დაასრულა! [VIDEO]](/pictures/image7/73451f938ee0388a2a7499b0691feeba.jpg "ლაშა ტალახაძემ ბათუმში ევროპის ჩემპიონატზე რეკორდი მოხსნა და ტურნირი ტრიუმფით დაასრულა! [VIDEO]")
