ფოტო: facebook.com/GEOWF
ტაილანდში მიმდინარე მსოფლიო ჩემპიონატზე რეკორდი დაამყარა გოგა ჩხეიძემ. ქართველმა ძალოსანმა აკვრაში ევროპის რეკორდი 1 კილოგრამით გააუმჯობესა.
ტაილანდში მიმდინარე მესამე საშეჯიბრო დღეს ფიცარნაგზე 67 კგ წონითი კატეგორიის ძალოსნები გამოვიდნენ, სადაც საქართველოს ნაკრებიდან "B" ჯგუფში გოგა ჩხეიძემ იასპარეზა.
ქართველმა ძალოსანმა ატაცში 133/137 კგ დაძლია და მე-6 ადგილი დაიკავა, აკვრაში კი ძალოსანმა სამივე ცდა წარმატებით გამოიყენა 162/166/170 და მესამე საფეხურზე გავიდა. 170 კილოგრამის დამორჩილებით ჩხეიძემ ევროპის რეკორდი 1 კილოგრამით გააუმჯობესა, რომელიც მასვე ეკუთვნოდა.
ორჭიდის ჯამში მოგროვებული 307 კილოგრამით კი მეოთხე შედეგი
აჩვენა.
მომზადებულია facebook.com/GEOWF-ის მიხედვით
ლაშა ტალახაძემ ატაცში მსოფლიოს რეკორდი დაამყარა
