ტოკიოს 2020 წლის ოლიმპიადაზე დღეს, 4 აგვისტოს, საქმეში ქართველი ძალოსანი და არაერთი მსოფლიო რეკორდის ავტორი ლაშა ტალახაძე (+109 კგ) ჩაერთო, ოლიმპიური ჩემპიონობა მეორედ მოიპოვა და ამით დამოუკიდებელი ქართული სპორტის ისტორიაში უნიკალური შედეგის ავტორია!
ატაცში ტალახაძემ პირველ ცდაზე 208 კგ დაძლია, მეორეზე - 215, მესამე ცდის შემდეგ კი 223 კგ დააფიქსირა, რაც როგორც ოლიმპიური, ასევე მსოფლიო რეკორდია, რომელიც ლაშას ეკუთვნოდა (222).
რაც შეეხება აკვრას - ქართველი სპორტსმენი ფიცარნაგზე ისევ საკმაოდ გვიან გამოვიდა, რადგანაც კონკურენტებზე ბევრად მეტი, 245 კგ დაიმორჩილა და ოლიმპიური ჩემპიონობა პირველივე ცდაზე მოიპოვა. ლაშამ მეორე ცდაზე 255 კგ დაძლია, მესამეზე კი - 265, რაც აკვრაში ასევე თავისივე დამყარებული მსოფლიო რეკორდის გაუმჯობესებაა. ორჭიდის შედეგი - 488 კგ-იც რეკორდულია!
ტოკიოს 2020 წლის ოლიმპიადაზე 35 ქართველი სპორტსმენი წარდგა. საქართველოს დელეგაციის ანგარიშზე 2 ოქროს, 4 ვერცხლისა და 1 ბრინჯაოს მედალია - ლაშა ტალახაძის გარდა, ძიუდოისტებიდან ოლიმპიური ჩემპიონი ლაშა ბექაური (-90) გახდა; ვაჟა მარგველაშვილი (-66), ლაშა შავდათუაშვილი (-73) და გურამ თუშიშვილი (+100) ფინალში დამარცხდნენ; ვერცხლის მედლის მფლობელია მოჭიდავე იაკობ ქაჯაიაც (130), ბრინჯაოს მედალი კი ძალოსანმა ანტონ პლესნოიმ მოიპოვა.
გამოცხადებული ოქროს ქრონიკა - ლაშა ტალახაძე იწყებს!
მკითხველის კომენტარები / 31 /
თარიღის მიხედვით
მოწონებების მიხედვით
სტატიაში არ არის ნახსენები, რომ 255 კგ.-ით ოლიმპიური რეკორდი მოხსნა. უამრავი მოლოცვა ლაშას, ასანიძეს და მის გუნდს და მთელ საქართველოს. დღეს ქუჩაშიც და მაღაზიაშიც და ყველგან მის ოქროს მედალზე ლაპარაკობდნენ და ელოდნენ, ეგ არ გაგვიცრუებს იმედსო. გაიხარე, ლაშა და გილოცავ სულით და გულით!
17
0
უბრალოდ ფენომენი! სიტყებით ვერ გადმოვცემ იმ ემოციას რასაც განვიცდი ამ საამაყო ქართველის ასპარეზობით! მადლობა უფალს, რომ ასეთი სპორცმენი და ადამიანი გვყავს.
32
0
ლაშა ოლიმპიადის საუკეთესო სპორცმენია ყველა სახეობის გათვალისწინებით, მან ქართული გენის უძლეველობა მსოფლიოს დაუმტკიცა, მთელი საქართველოს გახარებისათვის დიდი მადლობა ღირსეულო მამულიშვილო, სულ წარმატებებით გევლოს!!!
19
0
ასეთი უდიდესი სპორტსმენი და დიდებული პიროვნება, ალბათ 100 წელიწადში ერთხელ იბადება
17
0
უდიდესი მამულიშვილის მორიგი დიდი გამარჯვება!!! გილოცავთ ყველას და მადლობა ლაშას!!! იმედია, კიდევ ბევრჯერ გაგვახარებს!!!
37
0
მაგარი კაცი ხარ ლაშა. უმრავლეს საქართველოს შენ ნაირი სპორტსმენები
31
0
ლაშა,კარგო ქართველო! გილოცავთ! ღმერთმა ბედნიერი გამყოფოს, შენს ოჯახთან ერთად. პირჯვრის გადაწერაშიც კი სჩანს, თუ როგორი პიროვნება ხარ, და ამიტომაც გიფასდება შენი ტიტანური შრომა, ასეა ღმერთი ზევიდან ხედავს ყველაფერს!
21
0
ლაშას, რომ ვუყურებდი, მიხაროდა და მეამაყებოდა ქართველად, რომ დავიბადე! (ყოველთვისაც მეამაყებოდა!)
37
2
Magari kaci sul rom verafershi avigot medali shtangashi axali rekordi da oqro uechvelia.
24
0
ლაშა გაგიმარჯოს ჩვენო გულის გამხარებელო!!!...ღმერთმა გამარჯვებები არ მოგაკლოს საქართველოს რჩეულო შვილო!!!...
22
0
< წინა123შემდეგი >
თარიღის მიხედვით
მოწონებების მიხედვით
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
სიახლეები
პოპულარული
