ბუქარესტში (U23) ძალოსანთა ევროპის ჩემპიონატის დასკვნითი დღე საქართველოს ჰიმნით დაიხურა - თორნიკე ტაბატაძემ და მიხეილ ადამიამ (+109 კგ) წარმატებით იასპარეზეს.
ტაბატაძემ ატაცში 160 / 165 / 170 კილოგრამი დაძლია, ოქროს მედალი მოიპოვა და ევროპის ჩემპიონის ტიტული გაიფორმა. ძალოსანმა აკვრაში თავი 192 / 196 / 202 კილოგრამს გაართვა და ვერცხლის მედალი ერგო.
ტაბატაძემ ორჭიდში მოგროვილი 372 კილოგრამით კი კვლავ უმაღლესი სინჯის მედალი მოიპოვა და ჩემპიონობა იზეიმა.
ადამიამ ატაცში 151 / 157 / 162 კილოგრამის ძლევით ბრინჯაოს მედალი მოიპოვა და ევროპის პრიზიორი
გახდა, აკვრაში თავი 190 / 195 / 201 კილოგრამს გაართვა და კვლავ ბრინჯაოს პრიზიორი გახდა. იმავე სინჯის მედალი მოიპოვა ორჭიდში მოგროვილი 363 კილოგრამითაც.
U20. გიორგი კირვალიძე ევროპის ჩემპიონია!
