ისტორიაში პირველად - საქართველო 10 საუკეთესო ქვეყანაში

AutoSharing Option
საერთაშორისო საციგურაო კავშირმა, მსოფლიო რეიტინგული ქულებისა და ოლიმპიადის შესარჩევ ეტაპებზე ( 2021 წლის მსოფლიო ჩემპიონატი და ობერსდორფის საკვალიფიკაციო ტურნირი) მოპოვებული ლიცენზიების რაოდენობის გათვალისწინებით, ოფიციალურად გამოაქვეყნა იმ 10 ქვეყნის ნუსხა, რომლებიც 2022 წლის ზამთრის ოლიმპიურ თამაშებზე იასპარეზებენ გუნდურ შეჯიბრებაში.

ოლიმპიური თამაშების გუნდური ასპარეზობების ისტორიაში საქართველომ, პირველად, დამსახურებულად მოიპოვა ოლიმპიადის ამ სეგმენტში მონაწილეობის მიღების უფლება და ოთხივე სახეობაში მოპოვებული ლიცენზიებითა და ჯამური 1472 ქულით ისეთი ქვეყნების სიაში აღმოჩნდა, როგორებიცაა რუსეთი, ამერიკის შეერთებული შტატები, კანადა, იაპონია, ჩინეთი, იტალია, გერმანია, ჩეხეთი და უკრაინა.

ვულოცავთ
საქართველოს ნაკრებ გუნდს ამ გამორჩეულ შედეგს და საქართველოს ეროვნული დროშის ქვეშ ღირსეულ გამოსვლასა და ქართველი გულშემატკივრების ერთგულ მხარდაჭერას ვუსურვებთ ჩვენი ქვეყნის საამაყოდ. პეკინის ზამთრის ოლიმპიადაზე გუნდური ასპარეზობა 2022 წლის 4-7 თებერვალს გაიმართება, ხოლო ინდივიდუალური გამოსვლები კი 8 თებერვლიდან 19 თებერვლის ჩათვლით გასტანს.

საქართველოს ფიგურული ციგურაობის ფედერაცია

altოლიმპიადის ქართული ლიცენზიები ფიგურულ ციგურაობაში

altკიდევ ერთი მედალი, ამჯერად მსოფლიო ჩემპიონატის ვერცხლი და ისევ პირველად

altგმირობის ტოლფასი ოქროს მედალი საქართველოსთვის ლოზანიდან!




მკითხველის კომენტარები / 8 /
…ყიჩაღ!!! გუშინ ვუყურე წყვილების სრიალს და სასიამოვნოდ გაოცებული დავრჩი ჩვენების სრისლის შემდეგ!!! რუსების სამი წყვილის გამოსვლა იყო დარჩენილო და ჩვენები პირველ ადგილს იკავებდნენ!!! მაგრამ გამოვიდნენ რუსები და სამივე საპრიზო ადგილი დაიკავეს!!! ჩვენები მეთხეზე გავიდნენ!!! უდიდესი წარმატება!!! არც ნორმალური საციგურაო მოედანი გვაქვს და არც ნორმალური ჩოგბურთის კორტი და ნახეთ რა შედეგია!!! მადლობა ასეთ თადადებულ სპორტსმენებს!!!
დათო
16:49 14-01-2022
0
ათობით წელია საქართველო მიუხედავად იმისა, რომ ერთი ნორმალური დარბაზი არ აქვს მსოფლიოში ბევრ ისეთ ქვეყანას უსწრებს, სადაც ზამთრის სახეობები მათი სპორტი რომაა. ამ ყველაფერს ჩვენი გოგო-ბიჭები დაქირავებულ საციგურაო დარბაზებში ვარჯიშით აღწევენ. მერედა იცით რა ჯდება ამ დარბაზების დაქირავება და ცპორტსმენების საღვარგარეთ შენახვა? დღემდე საქართველოს ყველო დიდ ქალაქში ორ-ორს თუ არა თითო საერთაშორისო დონის საციგურაოს რომ ავაგებდით. სწორედ ამაზეა ნათქვამი "უთაო თავმა სახელმწიფო ბიუჯეტს ძალა დააყენაო".
ჟორა გაბრიჭიძე
18:49 14-12-2021
1

სიახლეები პოპულარული