დიდი ჩემპიონი ვლადიმირ კლიჩკო კრივში დაბრუნებას მხოლოდ ერთი მიზნით აპირებს

AutoSharing Option
სუპერმძიმე კატეგორიაში მსოფლიოს ყოფილმა ჩემპიონმა, უკრაინელმა ვლადიმირ კლიჩკომ Bussines Insider-თან საუბარში განაცხადა, რომ კრივში დასაბრუნებლად მზად არის და მისი მიზანი ჯორჯ ფორმანის რეკორდის დამხობა იქნება.

"შემიძლია თუ არა ისევ ბრძოლა? დიახ, შემიძლია და ამ ეტაპზე არაფერს გამოვრიცხავ. თუმცა არ ვაპირებ, უბრალოდ დავბრუნდე. ამის მიზანი მხოლოდ რეკორდის დამხობა იქნება.

ჯორჯ ფორმანი 45 წლის იყო, მან ამ ასაკში მოახერხა ჩემპიონის ქამრის მოპოვება. ამიტომ ეს მიზანი ძალიან მომხიბვლელად გამოიყურება", - აღნიშნა 43 წლის კლიჩკომ, რომელიც 4 დივიზიონის ქამრებს ფლობდა.

ამერიკელმა ჯორჯ ფორმანმა 1994
წელს 45 წლის ასაკში გამართა საჩემპიონო ბრძოლა თანამემამულე მაიკლ მურერთან და მე-10 რაუნდში ნოკაუტით დაამარცხა მეტოქე. ფორმენმა ამის შემდეგ კიდევ 4 ბრძოლა გამართა. ვლადიმირ კლიჩკომ კი, რომელიც ყველა დროის ერთ-ერთ საუკეთესო მოკრივედ ითვლება, უკანასკნელი ბრძოლა 2017 წელს გამართა და ენტონი ჯოშუასთან დამარცხდა.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული