ბულგარელმა მოკრივემ, კუბრატ პულევმა დაადასტურა, რომ ბრიტანელ ენტონი ჯოშუასთან გასამართი მატჩი კორონავირუსის გამო გადატანილია. "20 ივნისს კორონავირუსის გამო მატჩს ვეღარ გავმართავთ, მიუხედავად იმისა, რომ მე მზად ვარ საბრძოლველად. სავარაუდოდ ბრძოლას წლის ბოლოსკენ გადასწევენ", - განუცხადა კუბრატმა BTV-ს.
შეგახსენებთ, ჯოშუა მძიმე წონის ჩემპიონია WBA-ს, WBO-სა და IBF-ის ვერსიებით. 30 წლის ბრიტანელმა 24 შეხვედრაში 23 გამარჯვება მოიპოვა, აქედან 21 ვადაზე ადრე დაასრულა. უკანასკნელი ორი შეხვედრა ჯოშუამ ენდი რუსისი წინააღმდეგ ჩაატარა. 2019 წლის ივნისში რუისმა ჯოშუა სენსაციურად დაამარცხა, ხოლო იმავე წლის დეკემბერში
ენტონიმ რემატჩში გაიმარჯვა.
38 წლის პულევს 28 მოგება და 1 წაგება აქვს.
![რუისი დამარცხებულია - ჩემპიონმა კუთვნილი ქამრები დაიბრუნა [VIDEO]](/pictures/image7/b9e0ea24901b7cf95173634a72e78d8b.jpg "რუისი დამარცხებულია - ჩემპიონმა კუთვნილი ქამრები დაიბრუნა [VIDEO]")
