86 წლის ასაკში გარდაიცვალა ქართველი სიმაღლეზე მხტომელი და რომის ოლიმპიური თამაშების ჩემპიონი რობერტ შავლაყაძე.
ოლიმპიური ჩემპიონი 1933 წელს თბილისში დაიბადა. სპორტსმენმა 1955 წელს დაამთავრა ფიზკულტურის უნივერსიტეტი და სწორედ ამ მომენტიდან ეტაპობრივად დაიწყო მისი სპორტული აღმავლობა.
რობერტ შავლაყაძემ 1960 წლის ოლიმპიურ თამაშებზე რომში მოახერხა, რომ დაემარცხებინა ამერიკელი სიმაღლეზე მხტომელი, რომელსაც მანამდე ევროპიდან ვერავინ აჯობა. მან ოლიმპიადაზე 2.16 მეტრი დააფიქსირა და ოქროს მედალი მოიპოვა.
ის იყო ევროპის ჩემპიონატის მესამეპრიზიორი (1962), სსრკ-ის ჩემპიონი (1964) და სამგზის მეორეპრიზიორი (1959, 1960, 1962), ძმები ზნამენსკების საერთაშორისო ტურნირის ხუთგზის ჩემპიონი (1958-62), სოციალისტური ქვეყნების თამაშების შვიდგზის გამარჯვებული (1957, 1958, 1959, 1960, 1961, 1962, 1963), „გიგანტთა მატჩში“ (აშშ-სსრკ) გამარჯვებული (1959). საუკეთესო შედეგი — 217 სმ.
რობერტ შავლაყაძე გახდა სპორტის დამსახურებული ოსტატი, ღირსების, ვახტანგ გორგასლის II ხარისხისა და საერთაშორისო ოლიმპიური კომიტეტის ორდენების კავალერი.
1977–80 წლებში კონგოს მძლეოსანთა ნაკრებს წვრთნიდა.
