UFC-ის 294-ე ღონისძიება დაუვიწყარ შოუს გვპირდება.
მოგეხსენებათ, ისლამ მახაჩევსა და ალექსანდრ ვოლკანოვსკის შორის მეორე ორთაბრძოლა გაიმართება, ხამზატ ჩიმაევი კი კამარუ უსმანს შეხვდება.
აღნიშნულ ივენთამდე მებრძოლებმა ჟურნალისტების კითხვებს უპასუხეს.
"სეტანტა სპორტსის" ჟურნალისტმა დავით ქუჩაშვილმა ლეგენდარულ ავსტრალიელს შემდეგი შეკითხვა დაუსვა:
- ალექს, თუ ისლამს დაამარცხებ, იბრძოლებ მის წინააღმდეგ მესამედაც თუ დაბრუნდები შენს დივიზიონში და იბრძოლებ ილია თოფურიას წინააღმდეგ, რომელიც დიდი ხანია გელოდება?
- ეს კარგი კითხვაა. მინდა, რომ იანვარში ვიბრძოლო, მე ვთქვი, რომ იანვარში თითქმის ჩანიშნული იყო ბრძოლა, ამ კვირას აქ მაქვს საქმე დასასრულებელი. მე ვგეგმავ, რომ ქამარი მოვიგო და შემდეგ ვნახავთ, რა მოხდება. თუმცა ცალსახაა, რომ აქტიურობა მსურს, ეს არაერთხელ დამიმტკიცებია. ვნახოთ, რა მოხდება მას შემდეგ, რაც აქ ქამარს მოვიგებ.
შეგახსენებთ, ილია თოფურიასა და ალექს ვოლკანოვსკის შორის საჩემპიონო შეხვედრა, ფაქტობრივად, ჩანიშნული იყო იანვარში, თუმცა ავსტრალიელმა ბრაზილიელი ჩარლზ ოლივეირა ჩაანაცვლა და ისლამ მახაჩევთან რემატჩის შანსი არ გამოტოვა.
![alt](/pictures/image50/bc9017914379c3f0edfb4ba2803ab3f3.png ""მინდა იანვარში ილიასთან ვიბრძოლო, მაგრამ აქ მაქვს საქმე დასასრულებელი" - ალექს ვოლკანოვსკი")
"ილია ენას არ აჩერებს, ამიტომ ბოლოს მოვუღებ" - ვოლკანოვსკიმ თოფურია გამოიწვია [VIDEO] 
