ამერიკულმა კომპანია DC Comics-მა ესპანური საფეხბურთო კლუბის, "ვალენსიას" წინააღმდეგ სასამართლოში სარჩელი შეიტანა. საქმე ახალ ლოგოტიპს ეხება, რომელიც გუნდის 100 წლისთავის აღსანიშნავად შეიქმნა. მსგავსება იმდენად დიდია, რომ "ბეტმენი" საავტორო უფლებების ასეთ უხეშ დარღვევაზე სერიოზულად აღშფოთდა.
"ვალენსია", რა თქმა უნდა, ყველა ბრალდებას უარყოფს და ამბობს, რომ ღამურა კლუბის ლოგოტიპზე ჯერ კიდევ მაშინ გაჩნდა, როცა ამერიკაში ადამიანები ბიზონებს დასდევდნენ.
სასამართლო ესპანურ კლუბს მიემხრო და სიტუაციის დასარეგულირებლად თითქმის 2 წელი მისცა.
თუმცა მაშინ, როცა "ვალენსიას" მოთამაშებს ღამე მშვიდად ძილი შეუძლიათ, სხვა საფეხბურთო (და არამხოლოდ)
"ვესტ ჰემი"- სარჩელი თორისგან
ეს ბიჭები აღმოსავლეთ ლონდონიდან საკუთარ თავს "უროსმცემლებს" უწოდებენ. თუმცა ამაზე პრეტენზია შეიძლება "თორს" გაუჩნდეს - ოდინის შვილს, რომელისთვისაც ყველაფერი ადამიანური უცხოა. ის მიჩვეულია პრობლემების თავისი უროს - მელნირის დახმარებით მოგვარებას. როდესაც სკანდინავიელი ღმერთი თავის უროს საფეხბურთო კლუბის ლოგოტიპზე აღმოაჩენს, ალბათ, გაცოფდება. ![Sportall.Ge](/pictures/artimages/original/b5a2ddabc5faaf606a262f2757482b33.jpg ""ბეტმენისა" და "ვალენსიას" ამბავი გახსოვთ: აი კიდევ ვის შეუძლია სარჩელის შეტანა")
"უიგან ატლეტიკი"- სარჩელი გრუტისგან
თუ "უიგანში" ფეხბურთელები ფიქრობენ, რომ ჩემპიონატის მიმდინარეობისას გადარჩენისთვის ბრძოლა ყველაზე უარესია, რაც მათ თავს გადახდომიათ - ცალსახად ცდებიან. ერთ მშვენიერ დღეს მათ ოფისში შევა ცოცხალი ხე და ეტყვით: "მე ვარ გრუტი", რაც ცნობილი გრუტის ენაზე ნიშნავს: "რა ჯანდაბად იყენებთ ჩემს ფოტოს თქვენს ლოგოტიპზე?"
![Sportall.Ge](/pictures/artimages/original/171f8342129fb06438ddfa92c0e5e178.jpg ""ბეტმენისა" და "ვალენსიას" ამბავი გახსოვთ: აი კიდევ ვის შეუძლია სარჩელის შეტანა")
უკრაინის ფეხბურთის ფედერაცია - სარჩელი აკვამენისგან
უკრაინის ფგეხბურთის ფედერაციამ ლოგო 2017 წელს შეცვალა, თითქოს არ იცოდა, რომ "აკვამენის" ფილმის გადაღებები იწყებოდა. უკრაინის ფეხბურთის ფედერაციამ არ უნდა დაივიწყოს, რომ ზღვის კაცს საავტორო უფლებების დაცვაში სამართლიანობის მთელი ლიგა დაეხმარება, "ბეტმენის" გარდა. ის "ვალენსიას" წინააღმდეგ საქმის წარმოებითაა დაკავებული. ![Sportall.Ge](/pictures/artimages/original/0e69b05676159b91a71705436ef534fe.jpg ""ბეტმენისა" და "ვალენსიას" ამბავი გახსოვთ: აი კიდევ ვის შეუძლია სარჩელის შეტანა")
უელსის ფეხბურთის ასოციაცია - სარჩელი "სამეფო კარის თამაშებისგან"
კიდევ ერთმა ნაკრებმა გადაკვეთა წითელი ხაზი, გადავიდა კედლის მიღმა. სიტყვა "დრაკონზე" ადამიანთა უმეტესობას დეანერისის ასოციაცია უჩნდება, ან ნებისმიერი სხვა პერსონაჟის "სამეფო კარის თამაშებიდან". მაგრამ არანაირად აარონ რემზისა და რაიან გიგზის. თუ დრაკონებისთვის საავატორო უფლებებზე ბრძოლა დაიწყება, HBO-მ შეიძლება სერიალის მეცხრე სეზონიც გადაიღოს.
![Sportall.Ge](/pictures/artimages/original/701ebb8413b783bb525d445eb8ddbc9c.jpg ""ბეტმენისა" და "ვალენსიას" ამბავი გახსოვთ: აი კიდევ ვის შეუძლია სარჩელის შეტანა")
"იოკერიტი"- სარჩელი ჯოკერისა და ჰარლი კვინისგან
დარტყმის ქვეშ მხოლოდ ფეხბურთელები არ არიან. "იოკერიტი" კონტინენტური ჰოკეის ლიგაში თამაშობს და თანაც რეგულარულად გადის პლეი-ოფში, თუმცა ყველაფერი შეიძლება შეიცვალოს, როდესაც ჯოკერი და ჰარლი კვინი გაიგებენ, რომ არა მხოლოდ ლოგოში არიან წარმოდგენილნი, არამედ გუნდის დასახელებაშიც. მათგან თავის დაღწევა რთული იქნება. ![Sportall.Ge](/pictures/artimages/original/7a8409855fb7296bacb94a97ac4bca41.jpg ""ბეტმენისა" და "ვალენსიას" ამბავი გახსოვთ: აი კიდევ ვის შეუძლია სარჩელის შეტანა")
"ლევანტე"- სარჩელი რობინისგან
როგორც ჩანს, "ვალენსია" ერთადერთი არ არის, რომელმაც "ბეტმენის" ლოგო გამოიყენა. იქამდე, სანამ ბრიუს უეინი გოთემის გადარჩენას ცდილობს - "ლევანტემაც" გაბედა და გამოიყენა ღამურა თავის ლოგოდ. ამიტომ ახლა ყველაფერი რობინზეა დამოკიდებული. ![Sportall.Ge](/pictures/artimages/original/ba94853be2bbaea5555ed847ef46f94c.jpg ""ბეტმენისა" და "ვალენსიას" ამბავი გახსოვთ? - აი კიდევ ვის შეუძლია სარჩელის შეტანა")
"ჩელსი" - სარჩელი მეფე ლომისგან
2005 წელს ლონდონურმა კლუბმა ლოგო შეცვალა, იმიტომ, რომ გადაწყვიტა, მსოფლიოში ყველაზე ძლევამოსილ ცხოველთან კონფლიქტისთვის აერიდებინა თავი. სიმბას ოჯახი კატეგორიული წინააღმდეგი იყო იმის, რომ საკუთარ გამოსახულებას ცნობილი გუნდის ემბლემაზე ხედავდა. ახლა "ჩელსის" სულ სხვა ლომი ჰყავს.
![Sportall.Ge](/pictures/artimages/original/ab0095998546aab8326aacc988a64136.jpg ""ბეტმენისა" და "ვალენსიას" ამბავი გახსოვთ? - აი კიდევ ვის შეუძლია სარჩელის შეტანა")
"მანჩესტერ იუნაიტედი" - სარჩელი თავზეხელაღებულისგან
ადრე ფერგიუსონის "მანჩესტერს" ფანები თავზეხელაღებულად მისი სუპერთამაშის გამო მიიჩნევდნენ. ახლა ყველაფერი სხვანაირადაა. "ოლდ ტრაფორზე" ფიქრობენ, რომ ცნობილი ლოგო საფეხბურთო კლუბში მოიფიქრეს. მაგრამ, სინამდვილეში, თავზეხელაღებულმა დიდი ხნის წინ დაარეგისტრირა რქები. ასე რომ, "მანჩესტერ იუნაიტედს" პრობლემები მხოლოდ საფეხბურთო მოედანზე არ აქვს. ![Sportall.Ge](/pictures/artimages/original/36ab7b1a92dc8d8436c7e46e1db1b2c1.jpg ""ბეტმენისა" და "ვალენსიას" ამბავი გახსოვთ? - აი კიდევ ვის შეუძლია სარჩელის შეტანა")
"ტიგრესი" - სარჩელი ვეფხვისგან
მექსიკელებმა მოახერხეს და "ვინი პუჰის" ერთ-ერთი ყველაზე დიდებული გმირის, ვეფხვის გამოსახულებაც გააფუჭეს. არადა, ამ მულტფილმში ვეფხვი ნამდვილად პოზიტიური, სიცოცხლით სავსე მოქალაქეა. "ტიგრესი" კი რაღაცნაირი მოღუშული და აგრესიულია. ამიტომ "ვინი პუჰის" გმირს მარტო ისღა დარჩენია, მექსიკურ გუნდს სასამართლოში უჩივლოს.![Sportall.Ge](/pictures/artimages/original/21097dc14e5c62417e353c783fea4a48.jpg ""ბეტმენისა" და "ვალენსიას" ამბავი გახსოვთ? - აი კიდევ ვის შეუძლია სარჩელის შეტანა")
"სამპდორია" - სარჩელი Gorillaz-ისგან
სასამართლოში სარჩელის შეტანა არა მხოლოდ ცნობილ კინოგმირებს, არამედ ცნობილ მუსიკოსებსაც შეუძლიათ. საინტერესოა, გენუაში საერთოდ იციან თუ არა, რომ ლოგოზე სტიუარტ "2D" პოტი მისი ნებართვის გარეშე განათავსეს.
![Sportall.Ge](/pictures/artimages/original/732e39a5fafb63f7174433ecd406ae0b.jpg ""ბეტმენისა" და "ვალენსიას" ამბავი გახსოვთ? - აი კიდევ ვის შეუძლია სარჩელის შეტანა")
ავტორი: სალომე აბულაშვილი
მომზადებულია sport24-ის მიხედვით
![მამარდაშვილი გაფრინდა, მოიგერია, ისევ მოიგერია და "ვალენსიას" "ხეტაფესთან" ქულა მოუპოვა [VIDEO]](/pictures/image7/cf9adaa8bf7b28ce7f49bd6903a290a5.jpeg "მამარდაშვილი გაფრინდა, მოიგერია, ისევ მოიგერია და \"ვალენსიას\" \"ხეტაფესთან\" ქულა მოუპოვა [VIDEO]")
