ლეგენდარულმა ინგლისელმა სნუკერისტმა რონი ო'სალივანმა ჩინეთის ღია პირველობაზე ბრძოლა მეოთხედფინალურ ეტაპზე შეწყვიტა. მსოფლიოს ხუთგზის ჩემპიონმა 22 წლის ბელგიელთან, ლუკა ბრესელთან თითქმის მოგებული შეხვედრა სენსაციურად წააგო.ინგლისელი კომფორტული უპირატესობით იგებდა - 4:1, მაგრამ ზედიზედ ოთხი ფრეიმი დათმო და 4:5 დამარცხდა. ბრესელმა ორჯერ ასიანი სერიის შესრულება შეძლო.
ბრესელი ნახევარფინალში მარკ უილიამსს შეხვდება, მეორე ნახევარფინალში კი შონ მერფისა და ალისტერ კარტერის ბრძოლა იქნება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
