22 წლის ბელგიელი სნუკერისტი ლუკა ბრესელი ჩინეთის ღია პირველობის სენსაციური გამარჯვებული გახდა.ფინალში მან 10:5 დაამარცხა ინგლისელი შონ მერფი. გადამწყვეტ შეხვედრაში, მოთამაშეებმა მხოლოდ ერთი ასიანი ბრეიკი შეასრულეს - მეოთხე ფრეიმში მერფიმ 107 ქულა აიღო.
ბრესელმა ჩემპიონობისთვის 150 ათასი ფუნტი სტერლინგი დაიმსახურა. ახალ რეიტინგში, რომელიც ტურნირის შემდეგ გამოქვეყნდა, ბელგიელი მე-15 ადგილამდე დაწინაურდა. ჩემპიონატის მსვლელობისას, ბრესელმა ჯიმი რობერტსონი, მარკო ფუ, მაიკ დანი, რონი ო'სალივანი და ლი ხანი დაამარცხა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
