21 ივნისს, 19:45 საათზე, თბილისში, ვერის ბაღში (კოსტავას 37ა), საბილიარდო "მეტროპულში" სტარტს აიღებს მედია-საბილიარდო ტურნირი "მეტროპული 2018". ტურნირში საქართველოში აკრედიტებული 18 მედიასაშუალების 40 წარმომადგენელი მონაწილეობს. მონაწილეთა შორის 6 გოგონაა. ტურნირი ბილიარდის ერთ-ერთ სახეობაში, "პულში" ჩატარდება.
მედიატურნირის მიზანია საქართველოში საბილიარდო სპორტის პოპულარიზაცია და განვითარება.
"მეტროპული 2018"-ის მონაწილეთა შორის არიან "საზოგადოებრივი მაუწყებლის", "ტელეიმედის", "მაესტროს", "რუსთავი 2"-ის, "იბერიის", "რაგბი ტვ"-ს, რადიოების - "იმედის", "თანამგზავრის", "თავისუფლების", "Georgian Times"-ის, "News Georgia"-ს, ვებპორტალების - "tsff.ge"-ს, "sportall.ge"-ს, "worldsports.ge"-ს, "ajarasport"-ის, "droni.ge"-ს, "sport24.ge"-ს წარმომადგენლები.
ტურნირი ჩატარდება 3 ეტაპად. პირველი
ჯგუფებში გასული 2-2 საუკეთესო ასპარეზობას უკვე მეორე ეტაპზე, 1/8-ფინალში გააგრძელებს. 1/8 და 1/4-ფინალები 24 ივნისს გაიმართება. დასკვნითი, მე-3 ტური კი 30 ივნისს ჩატარდება. ამ დღეს "მეტროპულში" თავდაპირველად, 1/2-ფინალები, შემდეგ კი მე-3 ადგილისთვის მატჩები და ფინალური შეხვედრები გაიმართება.
"მეტროპული 2018" ჩატარდება როგორც ვაჟთა, ასევე გოგონათა შორის და გამოავლენს 3-3 გამარჯვებულს, რომლებსაც თასების, მედლებისა და დიპლომების გარდა, გადაეცემათ საბილიარდო "მეტროპულის" პრიზები: I-ადგილოსნებს - ერთთვიანი ულიმიტო აბონემენტი "მეტროპულში", II-ადგილოსნებს - ორკვირიანი აბონემენტი, III-ადგილოსნებს და მე-4 ადგილზე გასულ მოთამაშეებს - ერთკვირიანი აბონემენტები.
მედია-საბილიარდო ტურნირის, "მეტროპული 2018"-ის მთავარი მსაჯია ენრიკო მაჩაიძე - საქართველოს მრავალგზის გამარჯვებული და პრიზიორი საბილიარდო სპორტში.
- I ეტაპი - 21 ივნისი / დასაწყისი 19:45
- II ეტაპი - 24 ივნისი / დასაწყისი - 18:45
- III ეტაპი - 30 ივნისი / დასაწყისი - 19:45
მედია-საბილიარდო ტურნირის ორგანიზატორია თბილისის სპორტული ფილმების ფესტივალი, რომელიც 2004 წლიდან ატარებს მედიატურნირებს სამთო თხილამურებში, მეკლდეურობაში, ბილიარდში. არის საქართველოში სპორტული ფილმების ფესტივალის ორგანიზატორი და სპორტული თემატიკის ფოტოპროექტების, მათ შორის, "სპორტფოტოს" ავტორი.
