26 და 27 სექტემბერს ნარდში საქართველოს 2020 წლის ეროვნული თასის გათამაშება გაიმართა.
2020 წლის ეროვნული თასის მფლობელი კახაბერ ნაჭყებია გახდა, რომელმაც ფინალურ ორთაბრძოლაში სოინგულ ამიროვს სძლია.
საქართველოს თასის გამარჯვებული ქალთა შორის კი ეკატერინე ძანძავა გახდა, რომლის მეტოქეც ფინალში გულიკო ბუჩუკური იყო.
ღონისძიება საქართველოს განათლების, მეცნიერების, კულტურისა და სპორტის სამინისტროს, მსოფლიო ნარდის ფედერაციისა და სასტუმრო "პრიმავერას" მხარდაჭერით მიმდინარეობდა.
