პოლიტიკურმა და სამხედრო მოძრაობა "თალიბანმა", რომელიც ცოტა ხნის წინ ავღანეთის ხელისუფლების სათავეში მოვიდა, ამ ქვეყნის ქალებს იმ სპორტის სახეობაში გამოსვლა აუკრძალა, რომლებშიც, შესაძლოა, მათ სხეულის ნაწილი გამოუჩნდეთ და პირველ რიგში ეს კრიკეტს შეეხო.
ამ გადაწყვეტილების შესახებ "თალიბანის" კულტურული კომისიის თავმჯდომარის მოადგილე ახმადულა ვასიკმა განაცხადა.
"არა მგონია ქალებს კრიკეტის თამაშის უფლება მივცეთ, რადგან ამის აუცილებლობა არ არსებობს. კრიკეტში ისეთი სიტუაცია შეიძლება შეიქმნას, რომ მათი სახე და სხეული გამოჩნდეს. ისლამი ქალებს ასეთი სახით საზოგადოების წინაშე გამოჩენას უკრძალავს.
ახლა მედია ეპოქაა, გამოჩნდება ფოტოები და
ვიდეო, ამას ხალხი ნახავს. ისლამი და ისლამური ემირატი (ავღანეთი) ქალებს არ აძლევს უფლებას ითამაშონ კრიკეტი ან სპორტის ის სახეობა, რომლის თამაშის დროსაც მათი სხეულები შეიძლება გამოჩნდეს,"- განაცხადა ვასიკმა.
ცოტა ხნის წინ, ავღანეთის ქალთა ნაკრების წევრებმა კრიკეტის საერთაშორისო საბჭოს (ICC) მიმართეს. მათ ნაწილმა ქვეყნის დატოვება მოასწრო.
მომზადებულია The Guardian-ის მიხედვით
![alt](/pictures/image50/a78fbfe21bc06307fe6485bca5d717bc.jpg ""თალიბანმა" ავღანელ ქალებს კრიკეტის თამაში აუკრძალა")
ქაბულის სტადიონი საჯარო დასჯის ადგილია, მატჩის წინ სიკვდილით სჯიდნენ, სხეულის ნაწილებს კი კარებზე ჰკიდებდნენ
