ფოტოს ავტორი: ერკან ბარისი2 ოქტომბერს ბათუმს 43-ე საჭადრაკო ოლიმპიადის დახურვის ცერემონიალის სპეციალური სტუმარი, ჩილელი კომპოზიტორი, მომღერალი და არტისტი იუგა ეწვევა.
იუგა მუსიკალურ სამყაროში 2008 წელს გამოჩნდა და ყურადღება მიიპყრო ჟანრების მრავალფეროვნებით - მღერის ბლუზს, კლასიკურ როკს, ოპერას, შანსონსა და პოპს.
იუგას გამოშვებული აქვს 3 CD, ავტორია რამდენიმე თეატრალური შოუსი, რომელთაგან გამორჩეული იყო ედიტ პიაფისადმი მიძღვნილი სანახაობა, რომელმაც დიდი წარმატება ჰპოვა არგენტინასა და ურუგვაიში - იუგა ედიტ პიაფად გარდაისახა.
დღესღეობით იუგას ახალი გატაცება აქვს - ჭადრაკი და მუსიკა. პირველ ასეთ
სწორედ ამ ახალი კომპოზიციითა და პერფორმანსით ეწვევა იუგა 43-ე საჭადრაკო ოლიმპიადას. როგორც ჩილელი არტისტი აცხადებს, ეს საქართველოსა და ბათუმის ოლიმპიადისადმი და, ზოგადად, ჭადრაკისადმი განკუთვნილი საჩუქარია.
უნდა აღინიშნოს, რომ იუგა უსასყიდლოდ ჩამოდის საქართველოში და ყოველგვარი ჰონორარის გარეშე მონაწილეობს 43-ე საჭადრაკო ოლიმპიადის დახურვის ცერემონიალში, რომელიც 5 ოქტომბერს ბათუმის სახელმწიფო მუსიკალურ ცენტრში 20.00 საათზე გაიმართება.
იუგა ბათუმის აეროპორტში 2 ოქტომბერს ჩამოფრინდება.
ბათუმი. საჭადრაკო ოლიმპიადა: ქართველებმა მოგებით დაიწყეს
მომზადებულია batumi2018.fide.com–ის მიხედვით
