საქართველოს 17 წლამდე წყალბურთელთა ნაკრებმა მალტა დაამარცხა

AutoSharing Option
თბილისის ოლიმპიურ აუზზე მიმდინარე 17 წლამდე წყალბურთელ ვაჟთა ევროპის ჩემპიონატის IX-XII ადგილებისთვის შეხვედრაში საქართველოს გუნდმა სამბურთიანი სხვაობით დაამარცხა მალტის ნაკრები - 7:4.

მატჩის პირველი სამი წუთის განმავლობაში უპირატესობას ქართველები ფლობდნენ და ამ მცირე დროის განმავლობაში მათი იერიშები ბესარიონ ახვლედიანმა ორი გოლით დააგვირგვინა. მალტელები მალევე გამოფხიზლდნენ და მომდევნო სამ წუთში წონასწორობა აღადგინეს - 2:2. პერიოდის ბოლომდე ორიოდე წუთით ადრე ლუკა გიორგაძემ ისევ წინ გაიყვანა ქართველები.

შეხვედრის ბოლო 16 წუთში უპირატესობა მასპინძლებმა იგდეს ხელთ და ჩვენების მიერ გატანილ ოთხ ბურთს სტუმრებმა მხოლოდ
ერთი გოლით უპასუხეს. საბოლოოდ საქართველოს ნაკრებმა 7:4 გაიმარჯვა და 16 აგვისტოს მე-9 ადგილისთვის ხორვატიას დაუპირისპირდება. ამ უკანასკნელმა ჰოლანდიას აჯობა - 14:7.

საქართველო - მალტა 7:4

(3:2, 0:1, 2:1, 2:0)

საქართველო: გვეტაძე, ერისთავი, ალავიძე (2), გავაშელი, თევდორაშვილი, დადვანი (1), ახვლედიანი (2), გიორგაძე (1), კირიაკიდი, ჩხეიძე (1), ჩიქოვანი, ტყეშელაშვილი, ჭუმბურიძე.

მალტა: ვასალო, ი. ფარუგია, სკიავონე, მელილო, კარანი, კაჩია (1), ფალზონი, ბუზუტილი (1), ჯ. ფარუგია, ბონავია, ჩირკოფი, მუსკატი (1), როსი.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული