წყალბურთში ევროპის 2022-ის შესარჩევ ეტაპს, B ჯგუფში თბილისი მასპინძლობს და პირველ ტურში საქართველოს ნაკრებმა ბელარუსი 25:5 დაამარცხა.
ჩვენი გუნდიდან 6 გოლი ნიკა შუშიაშვილმა გაიტანა, ოთხი ბორის ვაპენსკიმ, ხოლო სამი მარკო ელაჩამ.
ჯგუფში აგრეთვე პოლონეთისა და სლოვაკეთის ნაკრებები ასპარეზობენ და ოთხი გუნდიდან 2 საუკეთესო გავა. დღეს პოლონეთმა სლოვაკეთს 25:6 სძლია.
19 თებერვალს დეიან სტანოიევიჩის გუნდი პოლონეთს შეხვდება.
ევროპირველობა 27 აგვისტოდან 10 სექტემბრამდე ხორვატიაში ჩატარდება და საქართველოს ნაკრებს ზედიზედ მეხუთედ მონაწილეობის კარგი შანსი აქვს.
ტოკიო 2020. საქართველოს ნაკრები ხორვატიასთან დამარცხდა და ოლიმპიადის საგზური ვერ მოიპოვა
