ფორმულა 1-ის ყოფილმა ჩემპიონმა კიმი რაიკონენმა, რომელიც ამჟამად რალის მსოფლიოს ჩემპიონატში გამოდის, მოულოდნელად ამერიკულ სარბოლო სერიაში - ნასკარში გადასვლის სურვილი გამოთქვა.უცნობი წყაროს ინფორმაციით, კიმი ახალი გუნდის - ICE1 Racing team-ის მანქანით გადადგამს პირველ ნაბიჯებს ოკეანის გაღმა ერთ-ერთ პოპულარულ სარბოლო სერიაში. უნდა აღინიშნოს, რომ თავიდან ფინელი მონაწილეობის მიიღებს პიკაპებით რბოლებში. იქ მას სავარაუდოდ, ბრაზილიელ ნელსინიო პიკესთან მოუწევს შეხვედრა. ამის შემდეგ სკანდინავიელი ავტომრბოლი პრესტიჟულობის მიხედვით მეორე კლასში - Nationwide Series-ში გადავა. სავარაუდოდ, ამას მოჰყვება ნასკარის ყველაზე პრესტიჟულ დივიზიონში ("სპრინტის თასი") გამოსვლა.
"მინდა საკუთარი ძალები მოვსინჯო ნასკარის სერიაში. ამ რბოლებს უკვე დიდი ხანია თვალს ვადევნებ და მოუთმენლად ველი ამერიკული შეჯიბრებების ატმოსფეროს შეგრძნებას", - აღნიშნა რაიკონენმა.
მიუხედავად ამისა, კიმი გააგრძელებს წელს რალის ჩემპიონატში გამოსვლას, რადგან მას რვა ეტაპში მონაწილეობაზე აქვს გაფორმებული კონტრაქტი.
