"მაკლარენის" ხელმძღვანელმა მარტინ უიტმარშა სცადა ბოლო მოეღო ბოლოდროინდელი ჭორებისთვის, რომელიც ამ გუნდის ლიდერის ლუის ჰემილტონის "რედ ბულში" სავარაუდო გადასვლას ეხება. ბრიტანელ პილოტს უკვე დიდი ხანია ავსტრიელ საჯინიბოში გადაბარგებას უწინასწარმეტყველებენ. თავად ჰემილტონი აცხადებს, რომ მომავალში მართლაც სურს "რედ ბულში" ძალების მოსინჯვა, მაგრამ ამ ეტაპზე "მაკლარენის" ბოლიდით გამოსვლას ამჯობინებს. თავის მხრივ, "რედ ბულის" ბოსმა კრისტიან ჰონრემა განაცხადა, რომ "დიდი ცირკის" ყველა პილოტს სურს გამარჯვებულ გუნდში გამოსვლა.
"ჰემილტონს უნდა "მაკლარენში" გამოსვლის გაგრძელება და ის არ აპირებს "რედ ბულში" გადასვლას, - ამბობს ESPN-თან კომენტარში
პიტსტოპი მერსედესისაა
ჩინეთის გრან-პრიზე ნიკო როსბერგის დამაჯერებელმა გამოსვლამ ახალი ძალები შემატა "მერსედეს გრან-პრის" მთლიან ტექნიკურ შტაბს. მსოფლიოს ჩემპიონატის მესამე ეტაპზე MGP W02-ის ბოლიდი მართლაც ერთ-ერთი უსწრაფესი იყო.
როსბერგმა მეხუთე ადგილზე ზემოთ ასვლა იმ მიზეზით ვერ შეძლო, რომ მისი მანქანის ავზში არ აღმოჩნდა საკმარისი რაოდენობის საწვავი, რათა გერმანელს მთელი დისტანცია აგრესიულ სტილში გაევლო. რომ არა გათვლებში დაშვებული შეცდომა, "მერსედესის" პილოტს, მინიმუმ, პოდიუმზე ასვლის შანსი ჰქონდა.
როს ბრაუნის გუნდმა კიდევ ერთი მიმართულებით მიაღწია წარმატებას: "მერსედესი" ყველაზე სწრაფად ასრულებს პიტსტოპებს. სამი გრან-პრის შედეგების მიხედვით გერმანული საჯინიბო ბოქსებში საშუალოდ 22.3 წამს ხარჯავს (პიტლეინზე შესვლა, პიტსტოპი, პიტლეინიდან გამოსვლა), რაც საუკეთესო მაჩვენებელია ფორმულა 1-ის გუნდებს შორის.
ნაწილობრივ ეს იმით აიხსნება, რომ "მერსედესმა" შეიმუშავა ბორბლის ორიგინალური სამაგრი, რომელიც საშუალებას აძლევს მექანიკოსებს ოპერატიულად მოემსახურონ პილოტებს. იმის გათვალისწინებით, რომ წელს პიტსტოპების რიცხვი შესამჩნევად გაიზარდა, ეს "მერსედესს" დამატებით სოლიდურ უპირატესობას მისცემს.
თუმცა მთავარი კონკურენტები "მერსედესს" ბევრით არ ჩამორჩებიან: "მაკლარენი" საშუალოდ მხოლოდ 0.08 წამით ნაკლებს ხარჯავს ბოქსებში, "რედ ბული" - 0.3 წამით ნაკლებს. სწორედ ეს სამეული უდგას სათავეში ყველაზე სწრაფი პიტსტოპების რეიტინგს.
საინტერესოა, რომ შემდეგ ამ ჩამონათვალში მოდიან "ზაუბერი", "ფორს ინდია" და "ლოტუს-რენო", ხოლო "ფერარი" მხოლოდ მეშვიდე ადგილს იკავებს. სიაში ბოლოზე არიან ახალგაზრდა საჯინიბოები: "ლოტუსი", "ვირჯინი" და HRT. ეს უკანასკნელი 3.3 წამით ჩამორჩება "მერსედესს".
