კვირაზე ნაკლები რჩება ნასკარის სერიაში კიმი რაიკონენის დებიუტამდე. 20 მაისს შარლოტის ოვალზე ფინელი Toyota Tundra-ს პიკაპის საჭეს მიუჯდება. როგორც ფორმულა 1-ის ყოფილი ჩემპიონი ამბობს, ის ახალ სერიას მხოლოდ იმ დროს დაუთმობს, რომელიც რალის მსოფლიოს ჩემპიონატში გამოსვლისას გაუნთავისუფლდება. კიმი აცხადებს, რომ წელს მისთვის მთავარი პრიორიტეტი სწორედ რალის პირველობა გახლავთ."არ მივიღებ მონაწილეობას ნებისმიერ რბოლაში, თუ ის ხელს შეუშლის ჩემს გამოსვლას რალის მსოფლიოს ჩემპიონატზე, - განაცხადა რაიკონენმა. - მე ნასკარის ის სერიები ავირჩიე, რომლებიც დროში არ ემთხვევა რალის სტარტებს. თავისუფალ დროს გავაკეთებ
გასულ თვეში 31 წლის ფინელი ახლოს იყო თავის კარიერაში საუკეთესო შედეგთან - იორდანიის ეტაპზე მან მხოლოდ ბოლო მომენტში დაკარგა მეხუთე ადგილი. რალიში შემდეგი ეტაპი ივნისის დასაწყისში საბერძნეთში გაიმართება, მანამდე კი კიმი რამდენჯერმე ცდის ძალებს ოკეანის გაღმა.
"მე მივუჯექი პიკაპის საჭეს და რამდენიმე წრე გავიარე კიმისა და ჩემი შედეგების შესადარებლად, - განაცხადა ტესტების შესახებ კიმის გუნდის წევრმა კაილ ბუშმა. - აღმოჩნდა, რომ ჩვენ ერთნაირი დროები გვაქვს".
