ბოლო რამდენიმე კვირაა ფორმულა 1-ის წრეებში აქტიურად განიხილავდნენ წლევანდელი სეზონის 11 დეკემბრამდე გაგრძელების შესაძლებლობას. მოგეხსენებათ, "სამეფო სერიის" ორგანიზატორები სწორედ ამ დღისთვის აპირებენ ინდოეთის გრანპრის გადატანას, ხოლო აქამდე ინდოეთისთვის განკუთვნილ 16 ოქტომბერს ბაჰრეინის ეტაპს მისცემენ. შეგახსენებთ, რომ საჰირში რბოლა ბაჰრეინში შექმნილი რთული პოლიტიკური სიტუაციის გამო არ ჩატარდა.
გასულ უქმეებზე მონაკოში გუნდების ხელმძღვანელები ფორმულა 1-ის მთავარ პრომოუტერ ბერნი ექლსტოუნს შეხვდნენ. ეს უკანასკნელი ჯიუტად იცავდა 11 დეკემბრის ვარიანტს, მაგრამ გუნდების წარმომადგენელთა უმრავლესობა ეთანხმება "მერსედეს გრანპრის" ბოსის როს ბრაუნის არგუმენტებს. ის ამბობს, რომ ტექნიკური
მონაკოში როს ბრაუნმა გაიმეორა თავისი პოზიცია: "პირადად მე მიმაჩნია, რომ ეს დაუშვებელია. ამის შესახებ ბერნის ვუთხარით და მან იცის ჩვენი აზრი. თუ საქმისადმი ასეთ მიდგომას გამოვიყენებთ, სერიოზული პრობლემების წინაშე დავდგებით - ჩვენი თანამშრომლები ასეთ სიტუციაში სრულფასოვნად ვეღარ იმუშავებენ. გუნდებს აქვთ უფლება დააფიქსირონ საკუთარი პოზიცია და მონაწილეობა მიიღონ გადაწყვეტილების მიღებაში. დაველოდოთ ავტოსპორტის საერთაშორისო ფედერაციის მსოფლიო საბჭოს გადაწყვეტილებას ბაჰრეინთან დაკავშირებით და შემდეგ ვიმოქმედებთ".
ბაჰრეინის ეტაპის ბედს პარასკევამდე გადაწყვეტენ.
