ესპანურმა გამოცემა "ელ მუნდომ" ფორმულა 1-ის პილოტთა ხელფასები გამოაქვეყნა. ამ ინფორმაციის მიხედვით, ყველაზე ძვირადღირებული ავტომრბოლია "ფერარის" ესპანელი წევრი ფერნანდო ალონსო. ამ სეზონში მისი ხელფასი 30 მილიონ ევროს შეადგენს.
მეორე ადგილზე თითქმის ორჯერ ნაკლები თანხით (16 მილიონი) ბრიტანელი ლუის ჰემილტონია ("მაკლარენი"), შემდეგ მოდის "ფერარის" მეორე პილოტი, ბრაზილიელი ფელიპე მასა - 14 მილიონი.
მსოფლიოს მოქმედი ჩემპიონის, ბრიტანელი ჯენსონ ბატონის ("მაკლარენი") ჯამაგირი 9 მილიონი ევროა, ერთი მილიონით ნაკლები აქვს ლეგენდარულ გერმანელ მიხაელ შუმახერს ("მერსედეს გრან-პრი"). შუმის თანაგუნდელი და თანამემამულე ნიკო როსბერგი 8 მილიონს
საინტერესოა, რომ ბრაზილიელი რუბენს ბარიკელოს ("უილიამსი") ხელფასი (5.5 მილიონი) უფრო მაღალია, ვიდრე ჩემპიონატის ლიდერის, ავსტრალიელი მარკ უებერის ("რედ ბული") ჯამაგირი (4.2 მილიონი), ხოლო "რედ ბულის" მეორე პილოტი, გერმანელი სებასტიან ფეტელი (2 მილიონი) იტალიელ იარნო ტრულის ("ლოტუსი") ჩამორჩება - 3 მილიონი აქვს.
ყველაზე დაბალანაზღაურებადი პილოტია ბრაზილიელი ბრუნო სენა (HRT F1) - 150 ათასი ევრო.
