ფორმულა 1-ის გუნდ "რედ ბულის" პილოტმა სებასტიან ფეტელმა აბუ დაბის გრან პრის პირველ სატესტო სესიაში საუკეთესო დრო აჩვენა. გერმანელმა იას მარინის ტრასაზე წრე 1:42,760-ში გაიარა.
უახლოესი მდევარი, ლუის ჰემილტონი "მაკლარენიდან", ფეტელს 0.609 წამით ჩამორჩა. მესამე დრო "მაკლარენის" მეორე პილოტმა ჯენსონ ბატონმა აჩვენა, რომელიც ლიდერს წამით ჩამორჩა. მეოთხე ადგილზე "რედ ბულის" პილოტი მარკ უებერი აღმოჩნდა, რომელიც ბატონს რამდენიმე მეასედი
მეხუთე დროის ჩვენება რობერტ კუბიცამ მოახერხა "რენოდან". მსოფლიოს ჩემპიონატის ლიდერი, "ფერარის" პილოტი ფერნანდო ალონსო მეექვსე ადგილზე აღმოჩნდა. მეშვიდეზე მიხაელ შუმახერი გავიდა ("მერსედესი"), მერვეზე - კამუი კობიასი ("ზაუბერი").
შემდეგი ადგილები ნიკო როსბერგმა, ნიკ ჰაიდელფელდმა და ფელიპე მასამ დაიკავეს. რუსმა ვიტალი პეტროვმა ("რენო") 12-ე შედეგი აჩვენა და ფეტელს 2.685 წამით ჩამორჩა.
