ბოლიდი Benetton Ford Cosworth B194, რომლითაც ლეგენდარული გერმანელი მიხაელ შუმახერი 1994 წელს, პირველად გახდა ფორმულა 1-ში მსოფლიოს ჩემპიონი, აუქციონზე იქნება გატანილი. აუქციონი პირველ დეკემბერს, ლონდონში გაიმართება. ლოტი გამოტანილია Bonhams-ის აუქციონის სახლის საავტომობილო დეპარტამენტის მიერ.B194-ით შუმახერმა მოიგო სან მარინოს, მონაკოს, კანადისა და საფრანგეთის ეტაპები. გარდა ამისა, ამავე მანქანით მეორე ადგილი დაიკავა ესპანეთში, მიუხედავად იმისა, რომ ბოლიდზე გადაცემათა კოლოფი გამოვიდა მწყობრიდან.
სეზონის დასრულების შემდეგ, მანქანა "ბენეტონის" მუზეუმში ინახებოდა, ხოლო მას შემდეგ, რაც ეს გუნდი "რენოს" შეისყიდა, ბოლიდი მიჰყიდეს კოლექციონერ მეტიუ მორტლოკს,
ლოტის აღწერისას მითითებულია იმის შესახებ, რომ "ბენეტონი" მზად არის რბოლებში მონაწილეობისთვის.
ყოველდღიური სპორტული გაზეთი "ლელო"
ასევე იხილეთ:
მიხაელ შუმახერი სებასტიან ფეტელს აქებს
