მექსიკელმა პილოტმა ესტებან გუტიერესმა შეინარჩუნა "ზაუბერში" საპრიზო პილოტის სტატუსი. ამით შვეიცარიული საჯინიბოს შემადგენლობა 2014 წლისთვის დაკომპლექტებულია. შეგახსენებთ, რომ "ზაუბერმა" ადრე მოაწერა ხელი გერმანელ ადრიან სუტილთან კონტრაქტს.თავდაპირველი ინფორმაციით, გუნდში არ სურდათ გუტიერესთან ურთიერთობის გაგრძელება, მით უმეტეს, რომ მექსიკელის სასპონსორო კონტრაქტები ამოიწურა. მის ადგილზე მთავარ პრეტენდენტებად გიდო ვან დერ გარდე და სერგეი სიროტკინი მიიჩნეოდნენ.
მაგრამ, ახლა, "ზაუბერში" ოფიციალურად დაადასტურეს, რომ 22 წლის პილოტი სუტილის პარტნიორი იქნება. რაც შეეხება რუს სიროტკინს, მას ტესტ-პილოტის როლით დაკმაყოფილება მოუწევს.
"მოხარული ვარ, რომ შემიძლია კარიერა "ზაუბერში"
"2014 წელს, სერიოზული ცვლილებები გველის ტექნიკურ რეგლამენტში. ამიტომაც, ძალიან მნიშვნელოვანია ახლოს გაიცნო ის ადამიანები, რომლებთანაც მუშაობა მოგიწევს. მაქსიმალურად მოვინდომებ იმისთვის, რომ გავაუმჯობესო საკუთარი შედეგები და დავეხმარო გუნდს განვითარებაში", - დაამატა მექსიკელმა.
ყოველდღიური სპორტული გაზეთი "ლელო"
ასევე იხილეთ:
"ზაუბერმა" ადრიან სუტილი აირჩია
