სამეფო რბოლების ხელმძღვანელმა ბერნი ექლსტოუნმა სათადარიგო გეგმა მოიფიქრა იმ შემთხვევისთვის, თუ ფორმულა 1-ის პელოტონში მანქანების რაოდენობა შემცირდება. თუ 2015 წელს სტარტზე არ გავა რუსული საჯინიბო "მარუსია", მელბურნში სადებიუტო რბოლაში ტრასაზე მხოლოდ ცხრა გუნდს ვიხილავთ. ხოლო "ფორს ინდიას", "ზაუბერისა" და "ლოტუსის" ფინანსური პრობლემების გათვალისწინებით, უახლოეს მომავალში მონაწილეთა რიცხვი, შესაძლოა, 16-ზე ნაკლები აღმოჩნდეს.
ჟურნალ Autosport-ის ინფორმაციით, ბერნი ექლსტოუნი მსოფლიოს ყველაზე პრესტიჟულ სარბოლო სერიაში მეორე დივიზიონის შექმნას გეგმავს. ამ სერიაში პილოტები ერთმანეთს "რედ ბულის" 2013 წლის შასით შეეჯიბრებიან, ძრავა კი რვაცილინდრიანი Mecachrome იქნება.
ყოველდღიური სპორტული გაზეთი "ლელო"
