მიხაელ შუმახერიც სწრაფი ყოფილა

ვალენსიას ტესტებზე არც ისე შთამბეჭდავი შედეგების შემდეგ "მერსედეს გრან-პრიმ" თავისი შესაძლებლობები ხერესის ტესტების მეორე დღეს აჩვენა. გუშინ წრეზე საუკეთესო დრო მსოფლიოს შვიდგზის ჩემპიონმა მიხაელ შუმახერმა დააფიქსირა. საინტერესოა, რომ გერმანელმა ეს შედეგი 10-წრიანი სერიის პირველ წრეზე აჩვენა, რაც იმას ნიშნავს, რომ იმ მომენტისთვის შუმის მანქანა ცარიელი ავზით არ ყოფილა. თუმცა უფრო გრძელ სერიებზე მიხაელი დაახლოებით წამით ჩამორჩებოდა "რედ ბულის" ტემპს.

შუმახერის გარდა მხოლოდ წინა დღის ლიდერმა ფელიპე მასამ ("ფერარი")  შეძლო წრის წუთსა და 21 წამზე ნაკლებ დროში გავლა. სადილის შემდეგ "ფერარი"

მეხუთე ადგილზე აღმოჩნდა მარკ უებერი, თუმცა "რედ ბულს" ეტყობოდა, რომ სულაც არ დასდევდა სწრაფ წამებს. ჩემპიონი გუნდი გრძელ სერიებზე იყო ორიენტირებული. ამ მხრივ კი ავსტრალიელი პილოტი საუკეთესო იყო. ასე მაგალითად, 19-წრიანი სერიისას "რედ ბულის" პილოტის საშუალო დრო 1.24 წამი იყო - არც ერთ სხვა პილოტს ასეთი სტაბილურობისთვის არ მიუღწევია.

გუშინდელი სატესტო დღე რამდენჯერმე შეწყდა წითელი დროშებით. ალგერსუარის გარდა, ამის მიზეზი გახდა სერხიო პერესი, რომელმაც თავის "ზაუბერს" წინა ნაწილი დაუზიანა. ტესტების დასრულებამდე ერთი საათით ადრე პასტორ მალდონადომ თავისი "უილიამსი" დაამტვრია. და კიდევ, ზედიზედ მეორედ მოუცურდა მანქანა "ლოტუს-რენოს" რუს პილოტ ვიტალი პეტროვს.

მეორე დღის შედეგები:

1. შუმახერი (მერსედესი) 1:20.352 (112)
2. მასა (ფერარი) + 0.061 (116)
3. ბატონი (მაკლარენი) +0.657 (69)
4. ალგერსუარი (ტორო როსო) +0.862 (72)
5. უებერი (რედ ბული) +1.261 (113)
6. სუტილი (ფორს ინდია) +1.428 (73)
7. პერესი (ზაუბერი) +1.505 (56)
8. გლოკი (ვირჯინი) +1.856 (57)
9. პეტროვი (რენო) +2.141 (65)
10. მალდონადო (უილიამსი) +2.239 (38)
11. ტრული (ლოტუსი) +2.864 (40).

.