წინასასეზონო ტესტებზე ნაჩვენები შედეგებით თუ ვიმსჯელებთ, "მერსედეს გრან-პრის" არ ჰყავს ჩემპიონატის მონაწილეებს შორის ყველაზე სწრაფი მანქანა, მაგრამ გერმანული გამოცემა Auto Motor end Sport ამტკიცებს, რომ სწორ მონაკვეთებზე მაქსიმალური სიჩქარის მიხედვით, MGP W02 სხვა გუნდების ბოლიდებს უკან იტოვებს.ბარსელონაში ორი დღის წინ დასრულებულ ტესტებზე "მერსედეს გრან-პრის" პროგრესი ყველამ აღნიშნა. კომპანია "მერსედესის" სპორტული განყოფილების შეფმა ნორბერტ ჰაუგმა განაცხადა, რომ მაქსიმალური სიჩქარე მართლაც მნიშვნელოვანია, რადგან 2011 წელს ტრასებზე არნახული ბრძოლაა მოსალოდნელი.
"ბარსელონაში" უფრო მეტი წრის გავლა მოვახერხეთ, ეს იმას ნიშნავს, რომ უკეთ გვესმის
გერმანული ჟურნალის ექსპერტებმა ყურადღება მიაქციეს იმას, რომ MGP W02-ის მაქსიმალური სიჩქარე საათში 316 კილომეტრს აღწევდა - ამ მაჩვენებლით მას მხოლოდ Renault R31 უტოლდება.
"ისეთი შთაბეჭდილება მრჩება, რომ წელს სხვადასხვა გუნდების მანქანები, შესაძლებლობების მხრივ, ძალიან ახლოს არიან ერთმანეთთან, ამიტომაც მაქსიმალურმა სიჩქარემ, შესაძლოა, მნიშვნელოვანი როლი ითამაშოს", - ასკვნის "მერსედესის" შეფი.
.
