ჰოლანდიის ეტაპზე მოტოგრანპრის რბოლებში გამოსვლის 50 წლისთავს ზეიმობდა "იამაჰა" და საიუბილეო გრანპრიზე იაპონელებმა გამარჯვებას მიაღწიეს. თანაც ტრიუმფატორი აღმოჩნდა არა ამ გუნდის აღიარებული ლიდერი ხორხე ლორენსო, არამედ ამერიკელი ბენ სპისი, რომელმაც მოტოგრაპრიში თავისი პირველი რბოლა მოიგო.შაბათს პოული იტალიელ მარკო სიმონჩელის დარჩა, მაგრამ მისგან ბოლო რბოლებში შეცდომებს მივეჩვიეთ და გამონაკლისი არც ჰოლანდიის გრანპრის ყოფილა. მარკომ სტარტზე ინერვიულა და უსიამოვნო სიტუაციაში მოხვდა. თავიდან მან წინ გაუშვა ორი მოწინააღმდეგე (პელოტონს სათავეში ბენ სპისი ჩაუდგა), შემდეგ კი ტრასა ვერ გაიყო მოქმედ ჩემპიონ ლორენსოსთან, რის
პირველი წრის შემდეგ ანდრეა დოვიციოზომ საერთო ჩათვლის ლიდერ კეისი სტოუუნერს გაუსწრო და მეორე ადგილზე გადავიდა. სტოუნერმა გადაწყვიტა რისკისგან თავი შეეკავებინა, რადგან ტრასაზე მიმდინარე მოვლენები (კერძოდ, ლორენსოს ავარია) მის წისქვილზე ასხამდა წყალს.
სპისმა თანდათან დაიწყო ჰანდიკაპის შექმნა, ლეგენდარულმა ვალენტინო როსიმ კი ისევ გაიბრწყინა ოსტატობით - მეორე წრისთვის მეთერთმეტედან მეხუთე ადგილზე გადაინაცვლა. უფრო მეტიც, იტალიელი მიღწეულით არ დაკმაყლფილდა და კელ კრატჩლოუსაც გაუსწრო, რომელსაც მოტოციკლთან დაკავშირებული პრობლემა ჰქონდა.
ამასობაში, სტოუნერმა ტემპს ოდნავ მოუმატა და ეს საკმარისი აღმოჩნდა დოვიციოზოს გასასწრებად. სპისის დაწევა კი იმ დღეს შეუძლებელი იყო. რბოლის პირველი ნახევარი ბენი და კეისი თითქმის ერთ ტემპში მიდიოდნენ, მაგრამ შემდეგ სტოუნერმა გადაწყვიტა, რომ მეორე ადგილიც საკმარისი იქნებოდა. ლოგიკა ამაში იყო, რადგან სპისი არ არის მისი პირდაპირი კონკურენტი. ამერიკელი მიქროდა კარიერაში პირველი გამარჯვებისკენ და რბოლაში საუკეთესო წრეც (1,35,240) კი დააფიქსირა, დანარჩენები კი მისგან საკმაოდ შორის იყვნენ. მაგალითად, დოვიციოზო წრეზე დაახლოების წამს აგებდა, თუმცა იტალიელმა მაინც მოახერხა პოდიუმზე ასვლა.
რაც შეეხებათ სიმონჩელისა და ლორენსოს, კონტაქტის შემდეგ მათ ბოლო ადგილებიდან ზემოთ ასვლა დაიწყეს და ამ საქმეში უფრო წარმატებული ხორხე აღმოჩნდა. მოქმედი ჩემპიონი მეექვსე მივიდა ფინიშთან (სიმონჩელი მეცხრე იყო), რამაც მნიშვნელოვანი 10 ქულა მოუტანა საერთო ჩათვლაში. ამჟამად სტოუნერს 28-ქულიანი უპირატესობა აქვს, თუმცა წინ კიდევ 11 ეტაპია დარჩენილი.
ჰოლანდიის გრან-პრი
1. ბენ სპისი (აშშ, "იამაჰა") - 41:44.659; 2. კეისი სტოუნერი (ავსტრა, "ჰონდა") - +7.697; 3. ანდრეა დოვიციოზო (იტა, "ჰონდა") - +27.506; 4. ვალენტინო როსი (იტა, "დუკატი") - +30.684; 5. ნიკი ჰეიდენი (აშშ, "დუკატი") - +43.172; 6. ხორხე ლორენსო (ესპ, "იამაჰა") - +44.536...
საერთო ჩათვლა
1. კეისი სტოუნერი (ავსტრა, "დუკატი") - 136 ქულა; 2. ხორხე ლორენსო (ესპ, "იამაჰა") - 108; 3. ანდრეა დოვიციოზო (იტა, "ჰონდა") - 99; 4. ვალენტინო როსი (იტა, "იამაჰა") - 81; 5. ნიკი ჰეიდენი (აშშ, "დუკატი") - 71; 6. დანიელ პედროსა (ესპ, "ჰონდა") - 61; 7. ბენ სპისი (აშშ, "იამაჰა") - 61; 8. ჰიროში აოიამა (იაპ, "ჰონდა") - 51; 9. კოლინ ედვარდსი (აშშ, "იამაჰა") - 46; 10. მარკო სიმონჩელი (იტა, "ჰონდა") - 39...
ყოველდღიური სპორტული გაზეთი "ლელო"
