ამ უქმეებზე გერმანიის ქალაქ დიუსელდორფის საფეხბურთო მოედანზე "ჩემპიონთა რბოლა" გაიმართება, რომელშიც ტრადიციულად ერთმანეთს ეჯიბრებიან სხვადასხვა სარბოლო სერიის საუკეთესო წარმომადგენლები.სულ სტარტზე 16 პილოტი გავა. გუნდურ და ინდივიდუალურ შეჯიბრებებში ბრძოლა ერთნაირი პრინციპით ჩატარდება - ჯერ ჯგუფური ეტაპი და შემდეგ პლეი ოფი.
გაიმართა წილისყრა და დაკომპლექტდა ჯგუფები ორივე ტურნირში. ინდივიდუალურში ოთხი ჯგუფის შემადგენლობამ ასეთი სახე მიიღო:
A ჯგუფი: ფილიპე ალბუკერკი, ენდი პრიოლი, დევიდ კულტჰარდი, ტრევის პასტრანა;
B ჯგუფი: მატიას ექსტრიომი, მარტინ ტომჩიკი, იან კოპეცკი, სებასტიან ოჟიე;
C ჯგუფი: მიხაელ შუმახერი, ჯენსონ ბატონი,
D ჯგუფი: სებასტიან ფეტელი, ტომ კრისტენსენი, ვიტალი პეტროვი, რომან გროსჟანი.
ინდივიდუალური ტურნირი კვირას გაიმართება, ერთი დღით ადრე კი გათამაშდება "ეროვნებათა თასი" (გუნდური პირველობა). აი, როგორ გამოიყურება ჯგუფების შემადგენლობები:
A ჯგუფი: საფრანგეთი (სებასტიან ოჟიე, რომან გროსჟანი), სკანდინავია (ტომ კრისტენსენი, იუჰო ჰიარინენი), აშშ (ტრევის პასტრანა, ბრაიან დიგანი), SAT1-ის ნაკრები (ტიმო გლოკი, ტიმო შაიდერი);
B ჯგუფი: გერმანია (მიხაელ შუმახერი, სებასტიან ფეტელი), სლავური ნაკრები (ვიტალი პეტროვი, იან კოპეცკი), ბრიტანეთი (ჯენსონ ბატონი, ენდი პრიოლი), ყველა ვარსკვლავი (დევიდ კულტჰარდი, ფილიპე ალბუკერკი).
თითო ჯგუფიდან ნახევარფინალში ორ-ორი უძლიერესი გუნდი გადის.
ყოველდღიური სპორტული გაზეთი "ლელო"
