იტალიურ წყაროებში გაჩნდა ინფორმაცია იმის შესახებ, რომ "ფერარის" ახალმა შასიმ, რომელსაც მიანიჭეს ინდექსი - "663", პირველი ცდიდან ვერ გაიარა ავტოსპორტის საერთაშორისო ფედერაციის აუცილებელი კრაშ-ტესტი - იტალიური საჯინიბოს ახალი შასი არასაკმარისად მყარი აღმოჩნდა.ამ სიახლეში დრამატული არაფერია, რადგან ასეთი სიტუაცია ფორმულა 1-ში ყოველ წელსაა, მათ შორის ტოპ-გუნდებში.
დღეისთვის მარანელოში გუნდის სპეციალისტები მონოკოკის გაძლიერებაზე მუშაობენ, ამატებენ კარბონის დამატებით ფენას... უახლოეს დღეებში გაიმართება განმეორებითი კრაშ-ტესტი, რადგან ამ წლიდან ყველა გუნდი ვალდებულია ეს პროცედურა თებერვლის ტესტებამდე გაიაროს.
ყოველდღიური სპორტული გაზეთი "ლელო"
