საფრანგეთში შარადის ტრეკი ქალაქ კლერმონ ფერანის სიახლოვეს მდებარეობს. სწორედ იქ გაიმართა ლეჯენდსის კლასის სარბოლო ავტომობილების ევროპის ეროვნებათა თასის მეორე ეტაპი, რომელშიც კვლავ იყოჩაღა ქართველმა მრბოლელმა დათა ქაჯაიამ. ჩვენებურმა ორ კლასიფიკაციაში მეორე და მესამე ადგილები დაიკავა, სპრინტში კი ტოლი არ ჰყავდა.
საგულისხმოა, რომ ქართველმა სპორტსმენმა ევროპის ტრასებზე ოთხი რბოლა მოიგო და კლასიფიკაციაში გამოკვეთილი ლიდერია. მომავალ კვირას ქაჯაია მეორე სპრინტსა და მთავარ რბოლაში ჩაებმება.
ყოველდღიური სპორტული გაზეთი "ლელო"
