"მწვრთნელთა სემინარი ძალზედ მნიშვნელოვანი იყო. ასეთი რანგის სპეციალისტი საქართველოში წლეულს მეორედ ჩამოვიდა. გაისად იგეგმება ჰოკეის მსოფლიო ფედერაციის პრეზიდენტის, ლეონარდ ნეგრისა და ევროპის ფედერაციის ხელმძღვანელის, დევიდ ბალბინის ჩამოსვლა. მათი მიზანია, რომ საქართველოში ჰოკეი პოპულარული
მწვრთნელთა სემინარების დასრულების შემდეგ ქუთაისის სპორტის სასახლეში ჩატარდა საქართველოში ბალახის ჰოკეის ფუძემდებლის, თემურ არჩაიას თასის გათამაშება, რომელშიც მონაწილეობდა აფხაზეთის, ქუთაისის, ერევნისა და რაზდანის გუნდები. შეჯიბრება ჩატარდა ოლიმპიური სისტემით. ნახევარფინალში ქუთაისის "უქიმერინმა" 11:1 დაამარცხა "რაზდანი", ხოლო "ერევანმა" 6:4 სძლია აფხაზეთს. "უქიმერიონისა" და "ერევანის" ფინალური მატჩი დაძაბული გამოდგა. ქართველები თავიდან 2:0 დაწინაურდნენ, თუმცა, საბოლოოდ შეხვედრა სომხების გამარჯვებით 4:3 დასრულდა და თემურ არჩაიას სახელობის თასიც მათ წაიღეს.
ავთო თევდორაძე: "გვინდოდა ტურნირში აჭარის, ოზურგეთის და ლანჩხუთის გუნდებსაც მიეღო მონაწილეობა, მაგრამ ფინანსური პრობლემების გამო ვერ მოახერხეს ქუთაისში ჩამოსვლა. ჩვენი ფედერაცია ერთადერთია, რომელიც სახელმწიფოსაგან არ ფინანსდება. აქამდე საკუთარი სახსრებით ვცდილობდით ჰოკეის განვითარებას, თუმცა ეს საკმარისი არ არის. იმედი გვაქვს, რომ მომავალი წლიდან ჩვენთვისაც გამოინახება მცირეოდენი თანხები. ეს ტურნირი "უქიმერიონისთვის" ევროთასებისთვის მოსამზადებელი ეტაპი იყო. ამჟამად ჩვენი გუნდი ევროპის "ჩელენჯ თასისთვის" ემზადება, რომელიც მომავალი წლის თებერვალში საბერძნეთში გაიმართება. 28 დეკემბერს ქუთაისში ქალთა შორის თასის გათამაშებაა. გაისად კი საქართველოში შავი ზღვის აუზის ქვეყნების ჩემპიონატის ჩატარებას ვაპირებთ."
