16 დეკემბერს სპორტისა და ახალგაზრდობის საქმეთა სამინისტროში გამართულ საქართველოს ფრენბურთის ეროვნული ფედერაციის საარჩევნო-საანგარიშო ყრილობაზე ფედერაციის ახალ ხელმძღვანელად ირაკლი ჩაჩუა აირჩიეს.ყრილობაზე დამსწრე ხმის მიცემის უფლების მქონე 32 დელეგატიდან ფარულ კენჭისყრაზე ჩაჩუამ 17 ხმა მიიღო, 15 ხმა ერგო მეორე კანდიდატს - ნინო მღებრიშვილს.
ფრენბურთის ფედერაციას 2001 წლიდან ლევან ახვლედიანი ხელმძღვანელობდა. ახალი პრეზიდენტი ფრენბურთის ეროვნულ ფედერაციას მომდევნო 4 წლის ვადით უხელმძღვანელებს.
ფედერაციის ვიცე-პრეზიდენტებისა და გენერალური მდივნის ვინაობას ირაკლი ჩაჩუა მიმდინარე კვირას გაამხელს.
msy.gov.ge
