საწყლოსნო კომპლექსმა "ოლიმპიკმა" 16 წლისა და უმცროსი ასაკის წყალბურთელთა მე-5 ტურის მატჩებს უმასპინძლა. პირველ პაექრობაში "ბათუმმა" "თბილისს" აჯობა - 17:13, თუმცა იმავე დღეს ზღვისპირელებმა უშანსოდ წააგეს (1:24) ერთპიროვნულ ლიდერ "ივერიასთან", რომლის შემადგენლობაში 5 გოლით ჯახაია გამოირჩა. მეორე ადგილზე მყოფმა "ლიგამუსმა" "ივერია-2" დაჯაბნა - 17:7. ტურნირზე ისევ არ გამოცხადდა "ტონუსი", რომელსაც პირველ დღეს "ქუთაისთან", შემდეგ კი "ბათუმთან" ჩაეწერა ტექნიკური წაგება 0:10.
ორი დღის განმავლობაში გათამაშების ცხრილში მესამე გამარჯვება ჩაიწერა "ბათუმმა" - "ქუთაისი" დაამარცხა 10:8. დაძაბული გამოდგა "ივერიისა" და "ივერია-2"-ის პაექრობა. პირველი
დღეისთვის სატურნირო მდგომარეობა ასეთია: "ივერია" - 33, "ლიგამუსი" - 27, "ბათუმი" - 20, "ივერია-2" - 10, "თბილისი" - 9, "ქუთაისი" - 7, "ტონუსი" - 0 ქულა.
ყოველდღიური სპორტული გაზეთი "ლელო"
