საქართველოს წყალბურთელ ვაჟთა ნაკრები გაისად, 10-23 იანვარს ბელგრადში მეორედ იასპარეზებს ევროპის ჩემპიონატის ფინალურ ეტაპზე. ჩვენები C ჯგუფში იტალიას, რუმინეთსა და გერმანიას დაუპირისპირდებიან. ამ შეჯიბრებისთვის ქართველი წყალბურთელები მონდომებით ემზადებიან. ერთ-ერთი ეტაპი მსოფლიოს ლიგაში მონაწილეობაცაა, რომელშიც ჩვენები პირველად მიიწვიეს.
20 ოქტომბერს საქართველოს ნაკრები ბუდაპეშტში ცხრაგზის ოლიმპიურ ჩემპიონ უნგრეთის ეროვნულ გუნდთან დამარცხდა - 10:17. იოვან პოპოვიჩისა და ვლადიმერ ისელიძის შეგირდები 17 ნოემბერს ათენში საბერძნეთის ნაკრებს გაუწევენ მეტოქეობას, 1-ელ დეკემბერს კი შინ რუმინელებს უმასპინძლებენ.
უმთავრესად საქართველოს ნაკრების წევრებით დაკომპლექტებული "ლოკომოტივი" ამჟამად სერბეთის ქალაქ ნოვი
ეროვნული გუნდის წყალბურთელები სერბეთიდან პირდაპირ საბერძნეთში ჩავლენ, სადაც მათ შეუერთდებიან ლეგიონერებიც: რევაზ იმნაიშვილი ("სეგეტი", უნგრეთი) და ანდრია ბითაძე ("ბარსელონა", ესპანეთი). თამაშამდე ორი დღით ადრე ჩავლენ ელადაში ნატურალიზებული წყალბურთელები - ივან სტრუიჩი, დამირ ცრეპულია, მარკო ელეზი და მარკო ელაჩა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
