საქართველოს წყალბურთელ ვაჟთა ეროვნულმა ნაკრებმა სერბეთში მიმდინარე ევროპის 2016 წლის ჩემპიონატის C ჯგუფში პირველი შეხვედრა რუმინეთის ნაკრებთან გამართა და ანგარიშით 6:12 დამარცხდა.11 იანვარს, ბელგრადში, "კომბანკ არენაზე" გამართული მატჩის პირველ ნახევარში ქართველმა წყალბურთელებმა მეტოქეს არაფერი დაუთმეს - ტაიმებს შორის შესვენებაზე ანგარიში 4:4 იყო, თუმცა ამის შემდეგ რუმინელთა აშკარა უპირატესობა გამოიკვეთა.
საქართველოს ნაკრების შემადგენლობაში გოლებით მიხეილ ბაღათურია (2), დამირ ცრეპულია (2), ზურაბ რურუა და მარკო ელეზი გამოირჩნენ.
საქართველოს ნაკრებს ჯგუფში მეტოქეებად ასევე იტალიისა და გერმანიის ნაკრებები ჰყავს. მომდევნო მატჩს ვლადიმერ ისელიძისა და
საქართველოს ნაკრები ევროპის ჩემპიონატზე ამ შემადგენლობით გამოდის: ნიკოლოზ შუბლაძე, ბექა ქავთარაძე, დამირ ცრეპულია, მარკო ელეზი, ანდრია ბითაძე, მარკო ელაჩა, გიორგი ხვედელიანი, მიხეილ ბაღათურია, ზურაბ რურუა, კოტე გეგელაშვილი, ხვიჩა ჯახაია, რევაზ იმნაიშვილი, ივან სტრუიჩი.
