საქართველოს წყალბურთელ ვაჟთა ნაკრები დღეიდან მსოფლიოს ლიგის ევროპული ეტაპის 2016-17 წლების გათამაშებაში ჩაებმება. პირველ შეხვედრას ქართველი წყალბურთელები დღეს "ოლიმპიკის" აუზში რუსეთთან გამართავენ, რომელთანაც 2014 წლის ევროპის ჩემპიონატზე ორი ორთაბრძოლა დავთმეთ - 12:16, 8:9 და რევანში გვაქვს ასაღები. შეხვედრა 18:300 სთ-ზე დაიწყება და მის ტელეტრანსლაციას "პირველი არხი" წარმოადგენს.
ამ ორთაბრძოლისთვის საქართველოს ნაკრები ორი კვირის განმავლობაში სერბეთსა და უნგრეთში ემზადებოდა.
ჩვენი გუნდი ჩრდილოელ მეზობლებს დღეს ასეთი შემადგენლობით დაუპირისპირდება: ნიკოლოზ შუბლაძე, ირაკლი რაზმაძე, ზურაბ რურუა (კ), გიორგი ხვედელიანი, ალექსანდრე რუსიშვილი, კონსტანტინე გეგელაშვილი, მიხეილ
სულ შეჯიბრებაში ბებერი კონტინენტიდან 11 გუნდი მონაწილეობს. ისინი წილისყრით სამ ჯგუფში გადანაწილდნენ:
A ჯგუფი: რუმინეთი, გერმანია, სლოვაკეთი, სერბეთი
B ჯგუფი: ჰოლანდია, ხორვატია, საბერძნეთი, საფრანგეთი
C ჯგუფი: საქართველო, იტალია, რუსეთი
ჩვენს ჯგუფში იყო თურქეთიც, მაგრამ სამხრეთელმა მეზობლებმა ბოლო მომენტში თამაშზე უარი თქვეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
