საქართველოს ჩოგბურთელ ქალთა ნაკრების ლიდერი სოფიო შაფათავა და ეკატერინე გორგოძე გრენობლის 25.000-იან საერთაშორისო ტურნირში ჩაებნენ, მაგრამ სტარტზევე გამოეთიშნენ შეჯიბრებას. შაფათავა ერთეულებში მეოთხე ნომრად განთესილ ტერეზა შმიტკოვასთან დამარცხდა - 3:6, 6:7. ჩვენებური წყვილებში რუს ანგელინა გაბუევასთან ერთად ასპარეზობის მეოთხე ნომერი იყო, მაგრამ ფრანგებთან - ფიონა პეროსა და ჩლოე პაკეტისთან ვერაფერს გახდა - ორთაბრძოლა ორ სეტში დათმო - 4:6, 3:6.
გორგოძემ შეჯიბრება საკვალიფიკაციო ეტაპიდან დაიწყო, სადაც რეიტინგფავორიტი გახლდათ, ტურნირში მეორე წრიდან ჩაება, თუმცა პირველსავე პაექრობაში მას შვეიცარიელმა სანდა მარტიმ აჯობა - 6:3,
ქართველი ჩოგბურთელები ახლა ესტონეთის დედაქალაქ ტალინს მიაშურებენ, სადაც 8-11 თებერვალს ფედერაციის თასზე ითამაშებენ. ჩვენები D ჯგუფში პოლონელებსა და ავსტრიელებს გაუწევენ მეტოქეობას.
(იბეჭდება მცირე ცვლილებით)
ყოველდღიური სპორტული გაზეთი "ლელო"
