3 თებერვალს, თბილისის ოლიმპიურ სასახლეში, გიორგი ცივაძე დევისის თასის ევრო-აფრიკული ზონის მეორე ჯგუფის შეხვედრაში ფინელ ჰარი ჰელიოვაარასთან დამარცხდა.ცივაძემ სამი სეტი ანგარიშით 5:7, 2:6, 1:6 წააგო. ამ დაპირისპირების შემდეგ საქართველოსა და ფინეთს შორის ანგარიში 1:1 გახდა.
შეგახსენებთ, რომ პირველ შეხვედრაში ნიკოლოზ ბასილაშვილმა ეერო ვასა დაამარცხა.
- დევისის თასი: ნიკოლოზ ბასილაშვილმა საქართველოს პირველი გამარჯვება მოუტანა
4 თებერვალს ამავე ჯგუფში წყვილთა შეჯიბრება გაიმართება. ნიკოლოზ ბასილაშვილისა და გიორგი ცივაძის დუეტი ჰარი ჰელიოვაარასა და ემილ რუუსუვუორის წყვილს შეხვდება. მატჩი 15:00 საათზე დაიწყება.
