ესპანეთის ქალაქ მონზონში დაიწყო ჩოგბურთელ ქალთა 25.000-იანი საერთაშორისო ტურნირი, რომელშიც თბილისელი სოფიო შაფათავაც მონაწილეობს. ერთეულებში იგი მე-5 ნომრადაა განთესილი და დღეს სტარტზე მასპინძელ ესტრელა კაბეზა-კანდელას დაუპირისპირდება. წარმატების შემთხვევაში ჩვენებურს მერვედფინალში ვენესუელელი ანდრეა გამიზი ელის, რომელმაც გუშინ სლოვაკ მიხაელა ჰონკოვას აჯობა - 6:2, 7:6.
წყვილებში შაფათავა უკრაინელ ვალერია სტრახოვასთან არის შეამხანაგებული და პირველ წრეში თავისუფალი იყო, მეოთხედფინალში კი ესპანელების - ირენე ბურილო ესკორიჰუელას და ივონე კავალე-რეიმერსის დუეტი
ნახევარფინალში ქართულ-უკარინული ტანდემი ასპარეზობის რეიტინგფავორიტ ვალენტინი გრამატიკოპულუ (საბერძნეთი)-ალექსანდრინა ნაიდენოვას (ბულგარეთი) და სვიატლანა პირაჟენკა (ბელორუსი)-ერიკა ვოგელსანგს (ჰოლანდია) შორის გამარჯვებულს გაეჯიბრება.
* * *
ეკატერინე გორგოძე იტალიის დედაქალაქ რომში იმყოფება. 8 მაისს იგი ჩოგბურთელ ქალთა საერთაშორისო შეჯიბრებაში (საპრიზო ფონდი 25.000 დოლარი) ჩაება. ქართველი ჩოგბურთელი კორტებზე მელანი სტოკესთან (ნორვეგია) ერთად გავიდა წყვილებში. მათ განთესვით მეოთხე ნომერი აქვთ. სტარტზე ავსტრალიელებს - პრისცილა ჰონისა და ები მიერსს აჯობეს - 6:3, 7:5.
მეოთხედფინალში გორგოძესა და სტოკესთან ურთიერთობას გაარკვევენ ფერნანდა ბრიტო (ჩილე) და ნოელია ზებალოსი (ბოლივია), რომლებმაც გზიდან იტალიელები - სუსანა სკონე და ვირჯინია სიკონე ჩამოიშორეს - 6:0, 6:0.
ერთეულებში ქართველი ჩოგბურთელი სტარტზე დღეს კვალიფიკაციიდან აღზევებულ გერმანელს - კატერინა ჰერინგს შეხვდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
